කේ. සිරිල්. සී. පෙරේරා මාවත 06 පටුමග හන්දියේ සිට සුගතදාස ක්‍රිඩාංගනයේ මැටිපාර්ක් හන්දිය දක්වා මාර්ගයේ ජල නළ එළීමේ කටයුතු සිදු කිරීම හේතුවෙන් අද (26) දා රාත්‍රි 9.00 සිට ලබන 29 වැනිදා උදෑසන 5.00 දක්වා කාලය තුළ තාවකාලිකව වසා තැබෙන බව පොලිස් මූලස්ථානය සඳහන් කරයි.
මේ නිසා මෙම මාර්ගයේ ගමනාගමනය සීමා කිරීමට කටයුතු කරන බැවින් විකල්ප මාර්ග භාවිත කරන ලෙස පොලීසිය මහජනතාවගෙන් සහ රියදුරන්ගෙන් ඉල්ලා සිටී.
මේ අනුව කොටහේන සෙ සිට කේ. සිරිල්. සී. පෙරේරා මාවත ඔස්සේ බ්ලූමැන්ඩල් දෙසට ගමන් කිරීම සඳහා පැමිණෙන රථවාහන කොටහේන වටරවුමෙන් වමට හරවා කොටහේන වීදියෙන් වාසල පාර ඔස්සේ කේ. සිරිල් සී. පෙරේරා මාවතට පිවිසිය හැකියි.