බැඳුම්කර ජනාධිපති කොමිෂන් සභා වාර්තාව සහ බරපතල වංචා ගැන ජනාධිපති කොමිෂන් සභා වාර්තා විවාද කිරීම සඳහා පෙබරවාරි 7වන දාට පෙර හැකිනම් පාර්ලිමේන්තුව කැඳවන ලෙසට හිටපු ජනාධිපති මහින්ද රාජපක්ෂ මහතා ආණ්ඩුවට අභියෝග කරයි.

7වනදා මධ්‍යම රාත්‍රියෙන් පසු මැතිවරණ ප්‍රචාරක කටයුතු අවසන් වන නිසා 8වෙනිදා පාර්ලිමේන්තුව කැඳෙව්වාට විවාදයේ තොරතුරු ජනතාවට දැනගැනීමට නොහැකිවන බවත් එම නිසා පෙබරවාරි 7 නව දාට පෙර පාර්ලිමේන්තුව කඳවා එම වාර්තාව විවාද කළ යුතු බවත් මහින්ද රාජපක්ෂ හිටපු ජනාධිපතිවරයා පෙන්වා දෙයි.

බැඳුම්කර වාර්තාවෙන් හොරු කවුරුන්දැයි රටටම හෙළිවන බවත් බරපතල වංචා වාර්තාවෙන් සිදුකර තිබෙන්නේ දේශපාලන පලිගැනීම් පමණක් බවත් හිටපු ජනාධිපති මහින්ද රාජපක්ෂ මහතා ප්‍රකාශ කරයි.

මහින්ද රාජපක්ෂ මහතා මේ බව ප්‍රකාශ කළේ ශ්‍රී ලංකා පොදුජන පෙරමුණ ඊයේ (27) දින වැල්ලවාය නගරයේ සංවිධානය කර තිබු ජන රැළිය අමතමිනි.