ඔස්ට්‍රියානු රජය දැඩි අර්බුදකාරී තත්ත්වයකට ඇද දමමින් ඔස්ට්‍රියාවේ අන්ත දක්ෂිණාංශික නිදහස් පක්ෂයේ සියලු අමාත්‍යවරුන් සිය ධූරවලින් ඉවත්ව තිබේ.
මෙය සිදුවූයේ දූෂණ චෝදනා එල්ලවූ ඔස්ට්‍රියානු නිදහස් පක්ෂ නායකයා මෙන්ම එරට නියෝජ්‍ය චාන්සල්වරයා වූ හයින්ස් ක්‍රිස්ටියන් ස්ට්‍රැචේ ට ධූරයෙන් ඉල්ලා අස්වීමට සිදුවීමෙන් පසුවයි.
රුසියානු ආයෝජකයකුට රජයේ කොන්ත්‍රාත් ලබාදීමට ඔහු තැත්කරන අයුරු දැක්වෙන වීඩියෝවක් නිකුත්වීමෙන් පසු ඔස්ට්‍රියානු නියෝජ්‍ය චාන්සල්වරයාට සිය ධූරයෙන් ඉවත්වීමට සිදුවිය.
අභ්‍යන්තර කටයුතු අමාත්‍ය හර්බට් කික්ල් ද ධූරයෙන් ඉවත්කළ හොත් පක්ෂයේ සියලු අමාත්‍යවරුන් ධූරයෙන් ඉල්ලා අස්වන බවට ඕස්ට්‍රියානු නිදහස් පක්ෂය මීට පෙර අනතුරු අඟවී ය.
මෙම පක්ෂයේ මහලේකම්වරයා ලෙස හර්බට් කිකල් සිය ධූරයෙන් ඉල්ලා අස්වී මෙම වරදෙහි වගකීම භාරගත යුතු බව ඔස්ට්‍රියානු චාන්සලර් සෙබස්තියන් කර්ස් ඉකුත් සති අන්තයේදී ප්‍රකාශ කළේ ය.
මේ අනුව ඔස්ට්‍රියානු නිදහස් පක්ෂයේ ඉල්ලා අස්වූ අමාත්‍යවරුන් වන්නේ ආරක්ෂක , ප්‍රවාහන සහ සමාජ සබඳතා ධූර දැරූ අමාත්‍යවරුන් බව සඳහන් ය.
ඔස්ට්‍රියානු කැබිනට් මණ්ඩලයේ මන්ත්‍රීවරුන්ගෙන් අඩක්ම එරට නිදහස් පක්ෂයේ සාමාජිකයන් වේ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...