හුවාවේ සමාගමේ හැකියාව එක්සත් ජනපදය තවමත් නොදන්නා බව එම සමාගමේ නිර්මාතෘ රෙන් සෙන්ග්ෆෙයි පවසයි.
එක්සත් ජනපදය විසින් හුවාවේ සමාගමට එරෙහිව මෑතකදී ගනු ලැබූ ක්‍රියාමාර්ග සම්බන්ධයෙන් චීන රාජ්‍ය රූපවාහිනිය ඔස්සේ අදහස් දක්වමින් ඔහු මෙම අදහස් පළ කර ඇත.
එහිදී හුවාවේ ප්‍රධානියා පෙන්වා දී ඇත්තේ හුවාවේ සමගම විසින් අත්පත් කරගත් 5G තාක්ෂණය ආසන්න අනාගතයේදී අත්පත් කරගැනීමට හැකි අයෙකු තවමත් නොමැති බවයි.
පසුගිය සතියේදී එක්සත් ජනපදය විසින් සිය රටේ සමාගම්වලට ගනුදෙනු කළ නොහැකි ජාත්‍යන්තර ව්‍යාපාර කිහිපයක් හඳුන්වාදුන් අතර ඒ අතරට හුවාවේ සමාගමද ඇතුළත් වෙයි. යම් ලෙසකින් ඔවුන් සමග ගනුදෙනු කිරීමට හැකිවන්නේ එක්සත් ජනපද රජය මගින් ලබාදෙන බලපත්‍රයක් පැවතුණහොත් පමණි.
එය චීනයේ දැවැන්ත හුවාවේ සමාගම අවහිර කිරීම සඳහා එක්සත් ජනපදය ගනු ලැබූ දැවැන්ත පියවරකි.
එක්සත් ජනපද දේශපාලඥයන්ගේ වර්තමාන හැසිරීම් හුවාවේ සමාගමේ හැකියාව හරිහැටි නොදැන කරන දේ සභාපතිවරයා අවධාරණය කරයි.
එමෙන්ම, පසුගියදා ගූගල් සමාගම විසින්ද ඔවුන්ගේ ඇන්ඩ්‍රෝයිඩ් මෙහෙයුම් පද්ධති හුවාවේ නිෂ්පාදන තුළ යාවත්කාලීන කිරීම අවහිර කිරීමටද කටයුතු කර තිබුණි.
පසුව එක්සත් ජනපද වාණිජ දෙපාර්තමේන්තුව තාවකාලික බලපත්‍රයක් යටතේ දැනට සමාගම් කිහිපයකට දින 90ක කාලයක් සඳහා පමණක් හුවාවේ ජාලයන් සහ උපකරණ වෙත සහාය දැක්වීමට අවසර ලබාදී තිබේ.
මෙය එක්සත් ජනපදය සහ චීනය අතර පවතින නවතම වෙළෙඳ යුද්ධයේ බරපතළ අවස්ථාවක් වන අතර, මෙය දෙරට අතර අන්‍යොන්‍ය සබඳතා බිඳ දැමීමටද හේතු වී තිබේ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...