ගිය වසරේ (2017) ජනවාරි සිට නොවැම්බර් අතර කාලයේදී විදේශ සේවා නියුක්තිකයන් මෙරටට එවන ලද විදේශ විනිමය ආදායම (විදේශ විනිමය ප්‍රේෂණ) සියයට 7.3කින් අඩුවී ඇතැයි ශ්‍රී ලංකා මහ බැංකුව කියයි. මේ අනුව 2016 වසරේ ජනවාරි සිට නොවැම්බර් දක්වා මෙරටට ලැබුණු විදේශ විනිමය ආදායම් ප්‍රමාණය ඇමෙරිකානු ඩොලර් මිලියන 6557ක් වූ අතර එය ගිය වසරේ (2017) ජනවාරි සිට නොවැම්බර් දක්වා කාලයේ දී අමෙරිකානු ඩොලර් මිලියන 6080 ක් දක්වා පහත වැටී තිබේ.