‘‘මධ්‍යම අධිවේගී මාර්ගය ඉදිවීමත් සමඟම ගලගෙදර ප‍්‍රදේශයේ නව නිදහස් වෙළඳ කලාපයක් ආරම්භ කරනවා’’

ශ‍්‍රී ලංකා පාර්ලිමේන්තුවේ සභානායක, උසස් අධ්‍යාපන හා මහාමාර්ග අමාත්‍ය ලක්ෂ්මන් කිරිඇල්ල මැතිතුමා

අමාත්‍යවරයා මෙම අදහස් පලකලේ මහනුවර ප‍්‍රදේශයේ පැවති ජන හමුවකට (01.31 දින) එක් වෙමිනි.
එහිදී තවදුරටත් අදහස් දැක්වූ අමාත්‍යවරයා,

අද අපට ජනවරමක් ලැබිලා තියෙනවා. එ් ජනවරම කිසිසේත්ම පළුදු වෙන්න අපි ඉඩ කියන්නේ නැහැ. කොළඹ මහනුවර අධිවේගී මාර්ගයේ ඉදිකිරීම් අද ආරම්භ කරලා තියෙනවා. 2020 අගෝස්තු මාසය වන විට පැයකින් මහනුවර ඉඳලා කොළඹට යන්න පුළුවන් විදියට අධිවේගී මාර්ගය ඉදිකරලා අවසන් කරනවා.

මේ මාර්ගය විවෘත වෙනවාත් සමඟම උඩරට පළාතේ විශාල දියුණුවක් ඇති වෙනවා. ඉඩම්වල වටිනාකම දෙතුන් ගුණයකින් වැඩි වෙනවා. සංචාරකයින් වැඩි වෙනවා. ආයෝජකයින් වැඩි වෙනවා. ගරු අගමැතිතුමා දැනටම සැලසුම් සකස් කරලා තියෙනවා, අධිවේගී මාර්ගය ඉදිවීමත් සමඟම ගලගෙදර ප‍්‍රදේශයේ අක්කර හාරසීයක පමණ ප‍්‍රදේශයක නිදහස් වෙළඳ කලාපයක් ආරම්භ කරන්න. එමඟින් මේ දිස්ත‍්‍රික්කයේ දරුවන්ට රැුකියා අවස්ථා ලබා දෙන්න. අපි ඡුන්දය ඉල්ලන්නේ වැඩ පිලිවෙලක් පෙන්නලා. අපේ පලාත් දියුණු කරන්න අපිට සැලැස්මක් තියෙනවා.

මෙම අවස්ථාව සඳහා ප‍්‍රදේශයේ පළාත් පාලන මැතිවරණ අපේක්ෂකයින් ඇතුළු විශාල පිරිසක් එක්ව සිටියහ.