වසර 30 කට අධික කාලයක් පැවති ත්‍රස්තවාදය අවසන් කර රට සීඝ්‍ර සංවර්ධනයකට ගෙනයාමට කටයුතු කළ නිසාද තමාගේ ප්‍රජා අයිතිය අහෝසි කිරීමට යන්නේ කියා හිටපු ජනාධිපති මහින්ද රාජපක්ෂ මහතා වත්මන් ආණ්ඩුවෙන් ප්‍රශ්න කරයි.

2015 ජනවාරි 08 වෙනිදා විදෙස් කුමන්ත්‍රණයකින් මේ රටේ පාලනය ලබාගත් වත්මන් යහපාලන ආණ්ඩුව මේ වන විට එම විදෙස් කුමන්ත්‍රණකරුවන්ගේ අරමුණු වෙනුවෙන් ශ්‍රී ලංකාව සෑම අංශයකින්ම පහතට ගෙන ඒමට කටයුතු කර තිබෙන බවද මහින්ද රාජපක්ෂ මහතා පෙන්වා දෙයි.

ජනවාරි 08 වෙනිදා එකවරක් රැවටුනු මේ රටේ ජනතාව තවත් වරක් රැව‍ටෙන්නේ නොමැති බවත් පෙබරවාරි 10 වෙනිදා මෙම ආණුඩුවට හොඳ පාඩමක් ඉගැන්වීමට මේ රටේ අති බහුතරයක් ජනතාව සූදානමින් සිටින බවද හිටපු ජනාධිපති මහින්ද රජපක්ෂ මහතා පෙන්වා දුන්නේය.

හිටපු ජනාධිපති මහින්ද රාජපක්ෂ මහතා මේබව ප්‍රකාශ කළේ පළාත් පාලන මැතිවරණය වෙනුවෙන් ශ්‍රී ලංකා පොදුජන පෙරමුණ 05 වෙනිදා සවස කටුනායකදී සංවිධානය කළ ජනහමුවකට සහභාගී වෙමිණි.