ශ්‍රිලංකා මහ බැංකුවේ බැඳුම්කර නිකුත් කිරීම පිළිබඳ ජනාධීපති කොමිෂන් සභාවාර්තාව පිළිබඳ පාර්ලිමේන්තු විවාදයට මේ මස 22 වැනිදා තමා සහභාගී වන බව හිටපු ජනාධීපති මහින්ද රාජපක්ෂ මහතා ප්‍රකාශ කළේය.
06 වැනිදා පාර්ලිමේන්තුවේ මෙම විවාදය ආරම්භ කිරීමට පෙර පැවති ඒකාබද්ධ විපක්ෂයේ පාර්ලිමේනතු මන්ත්‍රි කණ්ඩායම් රැස්වීමේදී මෙම තීරණය ගත් බවත් ඒ අනුව 22 වැනිදා මෙම විවාදයට තමා සහභාගී වන බවත් හිටපු ජනාධීපතිවරයා ප්‍රකාශ කරයි.
06 වැනිදා පමණක් මෙම විවාදය පැවැත්වූවානම් එදින තමා මෙම විවාදය සඳහා සහභාගී වන බවත් තවත් දින 2ක් මෙම විවාදය පැවැත්වීමට නියමිත නිසා 22 වැනිදා ඊට සහභාගී වන බවත් වැඩිදුරටත් අදහස් දැක්වූ මහින්ද රාජපක්ෂ මහතා ප්‍රකාශ කළේය.