පළාත් පාලන මැතිවරණයේ පළමු නිල ඡන්ද ප්‍රතිඵල අද (10) රාත්‍රි 8.30 – 10.00 ත් අතර කාලය තුළ බොහෝ දුරට නිකුත් කිරීමට හැකිවනු ඇති බව ස්වාධින මැතිවරණ කොමිසම සඳහන් කරයි. එහි ප්‍රකාශකයෙකු සඳහන් කළේ එම ප්‍රදේශයට අදාළ සියලුම ඡන්ද පෙට්ටි ඡන්ද ගණන් කිරීමේ මධ්‍යස්ථානවලට ලැබුණු පසුව තැපැල් ඡන්ද ගණන් කිරීම සමගම ඡන්ද ගණන්කිරීම ආරම්භ කරන බවයි. එය සවස 5.30 ට පමණ සිදුකිරීමට බලාපොරොත්තුවේ.
පළාත් පාලන ආයතන මට්ටමින් ඡන්ද ප්‍රතිඵල නිකුත් කරනු ලබන අතර 11 වැනිදා උදෑසන සියලු ඡන්ද ප්‍රතිඵල නිකුත් කර අවසන් කිරීමට බලාපොරොත්තු වන බවද ප්‍රකාශකයා වැඩිදුරටත් සඳහන් කළේය.