ස්වාධීන කොමි­ස­මක් යටතේ පැවැ­ත්වෙන ප්‍රථම ජාතික මැති­ව­ර­ණය වන්නේ මෙවර පැවැ­ත්වෙන ජනා­ධි­ප­ති­ව­ර­ණ­යයි. මෙරට පැවැති වෙන කිසිදු මැති­ව­ර­ණ­ය­කට වඩා නිද­හස් සහ සාධා­රණ මැති­ව­ර­ණ­යක් බවට මෙවර ජනා­ධි­ප­ති­ව­ර­ණය පත් කර­ගැ­නී­මට මැති­ව­රණ කොමි­ස­මද විශාල වෙහෙ­සක් දරයි. මෙතෙක් කලක් අත නොගැසූ ඉස­ව්ව­ලට පවා මැති­ව­රණ කොමි­සම මේ වන විට අත තබා ඇත්තේ එබැ­විනි.

මැති­ව­රණ කොමි­සම මෙවර ජනා­ධි­ප­ති­ව­ර­ණ­යට වැඩ අල්ලන්නේ එම ඉසව් මොන­වා­දැයි හොඳ­හැටි අව­බෝධ කර­ගෙ­නය. මැති­ව­ර­ණය ප්‍රකා­ශ­යට පත් කර­න්නට පෙර සිටම ෆේස් බුක් ඇතුළු සමාජ ජාල ක්‍රියා­කා­රි­ක­යන් සමඟ මැති­ව­රණ කොමි­සම අද­හස් හුව­මාරු කර ගන්නේ ඒ අනු­වය. එහිදී මැති­ව­රණ කොමි­සම වැඩි වශ­යෙන් අද­හස් හුව­මාරු කර­ගන්නේ මැති­ව­රණ සම­යේදී ෆේස් බුක් සමාජ ජාලයේ හැසි­රීම් ගැනය.

මැති­ව­ර­ණ­ය­කදී ෆේස්බුක් ඇතුළු සමාජ ජාල මඟින් ව්‍යාජ පුවත් මව­මින් ඡන්ද දාය­ක­යන්ට කරන බල­පෑම ගැන පැහැ­දිලි අව­බෝ­ධ­යක් මැති­ව­රණ කොමි­ස­මට තිබේ. ඒ නිසාම මැති­ව­රණ කොමි­සම ව්‍යාජ පුව­ත්ව­ලට වැට බැඳී­මට ෆේස් බුක් ජාලයේ කලා­පීය ප්‍රධා­නීන් සම­ඟද අද­හස් හුව­මරු කර­ග­ත්තේය. ඒ ව්‍යාජ පුවත් මවන ෆේස්බුක් ගිණු­ම්ව­ලට අන­තුරු ඇඟ­වී­මක්ද කර­මිනි. එබැ­වින් මැති­ව­රණ කොමි­සමේ සභා­පති මහින්ද දේශ­ප්‍රිය මහතා සමාජ මාධ්‍ය භාවිතා කර­න්න­න්ගෙන් ඉල්ලා සිටින්නේ අසත්‍ය සහ අපේ­ක්ෂ­ක­යෙකු අග­ති­යට පත් වන තොර­තුරු මෙවර මැති­ව­රණ සම­යේදී හුව­මාරු නොක­රන ලෙසය.

මැති­ව­රණ සම­යේදී රාජ්‍ය මාධ්‍ය­වල හැසි­රීම පාල­නය කිරී­මට බල­යක් මැති­ව­රණ කට­යුතු මැති­ව­රණ කොම­සා­රිස්ගේ පාල­නයේ සිටම පැවැ­ති­යත් පෞද්ග­ලික මාධ්‍ය පාල­නය එත­රම් ලෙහෙසි පහසු කට­යු­ත්තක් නොවීය. එහෙත් මැති­ව­රණ කොමි­සම ස්ථාපිත කිරී­මත් සමඟ කොමි­සමේ සාමා­ජි­ක­යන් මැති­ව­රණ සම­ය­කදී පෞද්ග­ලික මාධ්‍ය හැසි­රීම සම්බ­න්ධ­යෙන්ද උප­මාන සකස් කර­මින් එය අති විශේෂ ගැසට් නිවේ­ද­න­යක් මඟින් ප්‍රසිද්ධ පත් කරන්නේ මැති­ව­රණ සම­යේදී පෞද්ග­ලික මාධ්‍ය­ව­ලට පවා හිතු­ම­තේට දේශ­පා­ල­න­ඥ­යන්ට කඩේ යන්නට ඉඩක් නොත­බ­මිනි.

2017 දෙසැ­ම්බර් 04 වැනිදා දාත­මින් 2048/1 අංක­යෙන් එම අති­වි­ශේෂ ගැසට් නිවේ­ද­නය මැති­ව­රණ කොමි­සම විසින් නිකුත් කරන්නේ 19 වැනි ආණ්ඩු­ක්‍රම ව්‍යව­ස්ථා­වෙන් කොමි­ස­මට ලැබී ඇති බල­තල ප්‍රකා­ර­වය. 2017 වසරේ දෙසැ­ම්බර් මාසයේ නිකුත් කළ එම මාධ්‍ය උප­මාන ගැසට් නිවේ­ද­න­යෙන් මැති­ව­රණ කොමි­සම ක්‍රියා­වට නංවන්නේ මෙවර මැති­ව­ර­ණ­යේ­දීය. එය අනුව විද්‍යුත් මාධ්‍ය සිය ප්‍රවෘත්ති විකා­ශ­න­ව­ල­දීත් දේශ­පා­ලන වැඩ­ස­ට­හ­න්ව­ල­දීත් ඒ හා සමාන වෙනත් වැඩ­ස­ට­හන් විකා­ශය කිරී­මේ­දීත් නිවැ­රදි, සම­තු­ලිත, අප­ක්ෂ­පාතී තොර­තුරු මහ­ජ­න­තා­වට ලබා­දී­මට වග­බ­ලා­ගත යුතුය. එහිදී කිසිදු අපේ­ක්ෂ­ක­යෙ­කුට අසා­ධා­ර­ණ­යක් නොවන මෙන්ම තවත් අපේ­ක්ෂ­ක­යෙ­කුට විශේෂ වාසි­යක් ඇති වන පරිදි එම වැඩ­ස­ට­හන් විකා­ශය නොකළ යුතු මෙන්ම පුව­ත්ප­ත්වල වාර්තා සකස් නොකළ යුතු බව පැහැ­දි­ලි­වම සඳ­හන් කර තිබේ.

එම මාධ්‍ය උප­මාන කරුණු 32ක් යටතේ වෙන් වෙන්ව පැහැ­දිලි කිරී­මට මැති­ව­රණ කොමි­සම වග බලා­ගෙන ඇත. එම උප­මා­න­ව­ලට පිටින් යම් පෞද්ග­ලික මාධ්‍ය ආය­ත­න­යක් කට­යුතු කරන්නේ නම් ඒ අයට එරෙ­හිව කරන්නේ කුම­ක්දැයි අන­තුරු ඇඟ­වී­මක්ද කර­න්නට මැති­ව­රණ කොමි­සම වෙනු­වෙන් එහි සභා­පති මහින්ද දේශ­ප්‍රිය මහතා අම­තක නොක­ළේය. ඒ විද්‍යුත් මාධ්‍ය පෞද්ග­ලික හිමි­කා­රි­ත්ව­ය­කට යටත් වූවත් ඒවා විකා­ශය කරන සංඛ්‍යාත සහ තංර­ග­වල හිමි­කා­රි­ත්වය මහ­ජන දේපො­ළක් බව පෙන්වා දෙමිනි.

එම සංඛ්‍යා­ත­වල හිමි­කා­රි­ත්වය සහ පාලන බලය සතුව ඇත්තේ රාජ්‍ය ආය­ත­න­යක් සතුව බවද ඔහු කියයි. එම­ඟින් ඔහු නොකියා අන­තුරු අඟ­වන්නේ කොමි­සමේ උප­මා­න­ව­ලට පිටින් ක්‍රියා කරන්නේ නම් එම මාධ්‍ය ආය­ත­න­වල සංඛ්‍යාත මෙන්ම තරංග සම්බ­න්ධ­යෙන් පිය­වර ගැනී­මට හැකි­යා­වක් ඇති බවකි.

එක්සත් ජාතික පක්ෂය විසින් සිය අපේ­ක්ෂ­කයා ලෙස සජිත් ප්‍රේම­දාස මහතා නම් කිරීමේ උත්ස­වය රජයේ සහ පෞද්ග­ලික රූප­වා­හිනී නාලි­කා­වක සජී­වීව විකා­ශය වෙමින් තිබි­යදී මැති­ව­රණ කොමි­ස­මට ලද පැමි­ණි­ල්ල­කට අනුව එම සජීවී විකා­ශය නතර කර­න්නැයි මැති­ව­රණ කොමි­සම කළ පළමු දැනුම් දීමෙන්ම ඒ ගැන දෙව­රක් නොසිතා රජයේ රූප­වා­හිනී ආය­ත­නය මෙන්ම පෞද්ග­ලික රූප­වා­හිනී ආය­ත­න­යද එම සජීවී විකා­ශය නතර කරන්නේ ඒ නිසාය. එම සජීවී විකා­ශය නතර කෙරෙ­න්නේද ඒ වන විට සජිත් ප්‍රේම­දාස මහතා හෝ එක්සත් ජාතික පක්ෂය හෝ අපේ­ක්ෂ­ක­යෙකු වෙනු­වෙන් අඩුම තර­මින් ඇප මුදල් පවා තැන්පත් නොකර තිබි­ය­දීය.

මැති­ව­රණ කොමි­සම මෙවර තදින්ම තීර­ණය කර ඇත්තේ අපේ­ක්ෂ­ක­යන් හෝ වෙනත් ඡන්ද දාය­ක­යන් සිය ඡන්දය භාවිතා කරන අයුරු ඡන්දය පැවැ­ත්වෙන කාල සීමාව තුළ මාධ්‍ය මඟින් ප්‍රසිද්ධ නොක­ර­න්න­ටය. මැති­ව­රණ කොමි­සම විශ්වාස කරන්නේ මඟින් සිදු වන්නේ ඡන්දය පැවැ­ත්වෙන කාලය තුළ අපේ­ක්ෂ­ක­යන් ප්‍රව­ර්ධ­නය කිරී­මක් බවය.

මැති­ව­රණ කොමි­සමේ ලිඛිත අව­ස­ර­ය­කින් තොරව කිසිදු මාධ්‍ය­වේ­දි­යෙ­කුට හෝ මාධ්‍ය ආය­ත­න­ය­කට ඡන්ද මධ්‍ය­ස්ථා­ව­ලට ඇතුළු වීම­ටත් ඡායා­රූප ගැනී­ම­ටත් වීඩියෝ ගත කිරී­ම­ටත් ඉඩ ලබා නොදී­මට මැති­ව­රණ කොමි­සම තීර­ණය කරන්නේ ඒ අනු­වය. ඒ සම්බ­න්ධව දැන­ට­මත් මාධ්‍ය ආය­තන ප්‍රධා­නීන් දැනු­වත් කර හමා­රය. එම නීතිය තැපැල් ඡන්ද­ය­ටද බල­පාන්නේ එක හා සමා­න­වය. එසේම නිසි අව­ස­ර­ය­කින් තොරව ලබා­ගත් ඡයා­රූ­ප­යක් හෝ වීඩි­යෝ­වක් පවා මැති­ව­රණ කොමි­සමේ අව­ස­ර­යෙන් තොරව විකා­ශය කිරීම හෝ පළ කිරී­මද තහ­නම්ය.

රාජ්‍ය නිල­ධා­රීන්ට මෙන්ම රාජ්‍ය සේව­ක­ය­න්ටද මැති­ව­රණ කොමි­සම මේ වන විට අනු­ග­ම­නය කරන්නේ දැඩි ප්‍රති­ප­ත්ති­යකි. මැති­ව­රණ කොමි­සමේ සභා­පති මහින්ද දේශ­ප්‍රිය මහතා අව­ධා­ර­ණය කරන්නේ දේශ­පා­ලන අයි­ති­වා­සි­කම් අහිමි වූ කිසිදු නිල­ධා­රි­යෙ­කුට ජනා­ධි­ප­ති­ව­ර­ණ­යට අදා­ළව ඡන්දය දීම හැර වෙනත් කිසිදු දේශ­පා­ල­න­මය ක්‍රියා­වක නිරත විය නොහැකි බවය. එමෙන්ම දේශ­පා­ලන හිමි­කම් ඇති රාජ්‍ය සේව­ක­යන්ට පවා කාර්යාල වේලා­ව­න්ව­ලදී දේශ­පා­ලන කට­යුතු වල නිර­ත­වීම තහ­නම්ය. එසේම රාජ්‍ය දේපොළ අව­භා­විතා කිරී­ම්ව­ල­ටද මැති­ව­රණ කොමි­සම වැට බැඳ ඇත්තේ කල්ති­යා­මය. රජයේ වාහන සංචිත තොර­තුරු පවා මැති­ව­රණ කොමි­සම විසින් එක් රැස් කරන්නේ මැති­ව­ර­ණ­යට සූදා­නම් වෙමින් සිටි මුල් වක­වා­නු­වේ­දී­මය.

මැති­ව­රණ කොම­සා­රිස්ගේ කාලය මෙන් නොව, දැන් කිසි­වෙ­කු­ටත් කොමි­සම සමඟ සෙල්ලම් කර­න්නට නොහැ­කිය. ඒ නිසාම රජයේ සේව­ක­යන් මෙන්ම දේශ­පා­ල­න­ඥ­යන් ද මැති­ව­රණ කොමි­ස­මට දක්වන්නේ දැඩි බියකි. ඒ කොම­සා­රිස්ගේ පාල­න­යට වඩා වැඩි බල­ත­ල­යක් කොමි­සම සතුව පව­තින බැවිනි. මැති­ව­රණ සම­යේදී දේශ­පා­ල­න­ඥ­යන් විසින් සිය දේශ­පා­ලන කට­යුතු සඳහා රාජ්‍ය දේපොළ භාවිතා කිරීම් පාල­නය කිරී­ම­ටත් වැළැ­ක්වී­ම­ටත් කොමි­සම වග­බ­ලා­ගන්නේ වග­කීම් රාජ්‍ය නිල­ධා­රි­යාට පව­ර­මිනි.

වෙන කිසිදු මැති­ව­ර­ණ­යක දකි­න්නට නැති ආකා­ර­යට මෙවර මැති­ව­ර­ණ­යේදී මෙතෙක් රාජ්‍ය දේපොළ අව­භා­විතා වන අයුරු දකි­න්නට නැත්තේ මැති­ව­රණ කොමි­සමේ එම දර­දඬු පාල­නය හේතු කොට­ගෙ­නය. මැති­ව­රණ කොමි­සම මේ වන විටත් පැහැ­දි­ලි­වම රාජ්‍ය නිල­ධා­රීන්ට ඒ බව දැනුම් දී ඇත්තේ යම් වැරදි ක්‍රියා­වක් සිදු වුව­හොත් දෙව­රක් නොසිතා වැඩ තහ­නම් කිරී­මට නොපැ­කි­ළෙන බවට වූ අන­තුරු ඇඟ­වී­මක්ද කර­මිනි.

මැති­ව­රණ කොමි­සම සඳ­හන් කරන්නේ ඡන්දය ලබා­ගැ­නීමේ අර­මු­ණින් කෙරෙන සංග්‍රහ කිරීම්, චාරිකා රැගෙන යෑම්, තෑගි­බෝග මෙන්ම මිල මුදල් වැනි අල්ලස් දීම් සැල­කෙන්නේ ඡන්ද දාය­ක­යන්ට කෙරෙන අයුතු බල­පෑම් ලෙසිනි. අනි­යම් සහ ආදේ­ශක සේව­ක­යන් ස්ථීර කිරීමේ කට­යු­තු­ව­ලට පවා විටෙන් විට මැති­ව­රණ කොමි­සම බල­පෑම් කර­න්නේද ඉන් සිදු වන්නේ මැති­ව­රණ නීතිය උල්ලං­ඝ­නය වීමක් නිසාය.

මැති­ව­රණ කොමි­සමේ සභා­පති මහින්ද දේශ­ප්‍රිය මහතා අව­ධා­ර­ණය කරන්නේ ආග­මික වැඩ­ස­ට­හන් මඟින් කෙරෙන අපේ­ක්ෂ­ක­යන් ප්‍රව­ර්ධ­න­යද ඡන්ද­දා­ය­ක­යාට කෙරෙන අයුතු බල­පෑ­මක් බවකි. පූජ­නීය ස්ථාන තුළ ජන­පති අපේ­ක­ෂ­ක­යන් මුල් කර­ගෙන කෙරෙන ආග­මික වැඩ­ස­ට­හන් මෙන්ම පව­ත්වන රැස්වීම් පවා සැල­කෙන්නේ මැති­ව­රණ වැරදි ලෙසිනි. විහා­ර­ස්ථා­න­යක පැවැ­ත්වෙන පින්ක­මක් අත­ර­තුර හෝ පල්ලි­යක පැවැ­ත්වෙන දේව­මෙ­හෙ­යක් අත­ර­තුර හෝ අපේ­ක්ෂ­ක­යාගේ නම සඳ­හන් කර­මින් ඔහු ජන­පති වේවා යැයි හඬ නඟා කෙරෙන ප්‍රාර්ථ­නය පවා අපේ­ක්ෂ­ක­යන් ප්‍රව­ර්ධ­නය කිරී­මකි. ඒවා අයුතු බල­පෑම් බැවින් මැති­ව­රණ කොමි­සම ආග­මික නාය­ක­ය­න්ගෙන් ඉල්ලා සිටින්නේ මැති­ව­රණ නීති උල්ලං­ඝ­නය කෙරන එවන් ක්‍රියා­වල නිරත නොවන ලෙස­ටය.

මැති­ව­රණ කොමි­ස­මට අනුව භික්ෂූන් වහන්සේ නමක් අපේ­ක්ෂ­ක­යෙ­කුගේ අතෙහි පිරිත් නූලක් බඳි­මින් ඔබ ජනා­ධි­පති වේවා යැයි පැවැ­සී­මද සැල­කෙන්නේ මැති­ව­රණ වැරැ­ද්දක් ලෙසිනි.

මැති­ව­රණ කොමි­සම සඳ­හන් කරන ආකා­ර­යට අනුව ජන­පති අපේ­ක්ෂ­ක­යෙ­කුට කාර්යාල 12806ක් දිව­යින පුරා පිහි­ටු­වී­මට අව­ස්ථාව හිමිය. ඒ දිව­යින පුරා පිහිටි ඡන්ද කොට්ඨාස සියල්ල සහ ඔහු පදිං­චිව සිටි නිව­සද ඇතු­ළු­වය. මෙවර අපේ­ක්ෂ­ක­යන් 35 දෙනෙකු ඉදි­රි­පත් වන බැවින් එක් ඡන්ද කොට්ඨා­ස­යක උප­රිම කාර්යාල 35ක්වත් විවෘත වෙනු ඇත. ඒ අනුව බලන කල රට­පු­රාම ජන­පති අපේ­ක්ෂක කාර්යාල ලක්ෂ හතර හමා­ර­කට ආසන්න ප්‍රමා­ණ­යක් විවෘත වෙනු ඇත. එය ඉති­හා­සයේ වැඩිම ජන­පති අපේ­ක්ෂක කාර්යාල ගණ­නකි. එය සුළු පටු ගණ­නක් නොවේ.

එබැ­වින් එම කාර්යාල පව­ත්වා­ගෙන යා යුතු පිළි­වෙ­ළක්ද මැති­ව­රණ කොමි­සම අපේ­ක­ෂ­ක­යන්ට දැනුම් දී තිබේ. වෙනත් අපේ­ක­ෂ­ක­යන්ට එම කාර්යාල බදු දීම මෙවර සපුරා තහ­නම්ය. අපේ­ක්ෂ­ක­යා­ගෙන් පිට වෙනත් අපේ­ක්ෂ­ක­යන්ගේ ඡායා­රූප සහ ඡන්ද සල­කුණු ප්‍රද­ර්ශ­න­යද තහ­නම්ය. කාර්යා­ලය ඉදි­රි­පිට සැර­සිලි කර­මින් වෙන දා මෙන් යකා නට­න්නට පවා මෙවර අපේ­ක්ෂ­ක­යන්ට ඉඩක් නැත. කොඩි කණු පවා තුන­කට වඩා කාර්යා­ලය ඉදි­රි­පිට සවි කළ නොහැ­කිය.

එසේම පෙළ­පාළි මුළු­ම­නින්ම තහ­නම්ය. ගෙයින් ගෙට යා හැකි වන්නේද අපේ­ක්ෂ­කයා ඇතුළු එකො­ලොස් දෙනෙ­කුට පමණි. ඊට වඩා ගමන් කරන්නේ නම් එය මැති­ව­රණ නීති උල්ලං­ඝ­නය කිරී­මකි.

කොමි­සමේ උත්සා­හය මෙවර පොලි­ති­න්ව­ලින් තොර මැති­ව­ර­ණ­යකි. පොලි­තින් භාවි­ත­යෙන් වැළ­කෙ­න්නැයි මැති­ව­රණ කොමි­සම මේ වන විටත් සියලු අපේ­ක්ෂ­ක­ය­න්ගෙන් ඉල්ලී­මක්ද කර ඇත්තේ පරි­සර ආර­ක්ෂක වැඩ­පි­ළි­වෙ­ළක් ලෙසිනි. මැති­ව­රණ කොමි­සම සඳ­හන් කරන්නේ ජනා­ධි­ප­ති­ව­ර­ණය අව­සන්ව සති­යක් ඉක්ම යන තුරු පෙළ­පාළි තහ­නම් බවය.

අපේ­ක්ෂ­ක­යන්ට මෙවර නීති මාලා­වක්ම දමන මැති­ව­රණ කොමි­සම එම නීති අපේ­ක්ෂ­ක­යන් අනු­ග­ම­නය කරන්නේ දැයි සොයා බැලී­ම­ටද යාන්ත්‍ර­ණ­යක් සකස් කර ඇත. ඒ මැති­ව­රණ කොමි­සම සහ දිස්ත්‍රික් තේරී­ම්භාර නිල­ධා­රීන් යටතේ ඇති වීඩියෝ කණ්ඩා­යම් යොදා ගනි­මිනි.

මැති­ව­රණ කොමි­සමේ සභා­පති මහින්ද දේශ­ප්‍රිය මහතා අව­ධා­ර­ණය කරන්නේ මැති­ව­රණ නීති උල්ලං­ඝ­නය කරන අපේ­ක්ෂ­ක­යන්ට සිය අපේ­ක්ෂ­ක­ත්වය පවා මෙවර අහිමි විය හැකි බවය. එප­ම­ණක් නොව, අපේ­ක්ෂ­ක­යාගේ ප්‍රජා අයි­තිය පවා අහිමි වීමේ අව­කාශ ඇතැ­යිද ඔහු පෙන්වා දෙන්නේය. මහින්ද දේශ­ප්‍රිය මහතා අව­ධා­ර­ණය කරන්නේ ගෝල­යන් ඡන්ද නීති කැඩු­වත් අව­සන් ප්‍රති­ඵ­ලය භුක්ති විඳි­න්නට සිදු වන්නේ අපේ­ක්ෂ­ක­යාට බවය.

මැති­ව­ර­ණය සමඟ බද්ධ වී ඇත්තේ ප්‍රච­ණ්ඩ­ත්ව­යයි. මෙතෙක් ඉති­හා­සයේ පැවැති සෑම මැති­ව­ර­ණ­යක් අව­සා­න­යේ­දීම ප්‍රච­ණ්ඩ­ත්ව­යට එරෙ­හිව පොලි­සිය ක්‍රියා­ත්මක වූයේ දණ්ඩ­නීති සංග්‍ර­හ­යෙනි. එහෙත් මෙවර මැති­ව­රණ කොමි­සම සූදා­නම් වන්නේ දණ්ඩ­නීති සංග්‍ර­හ­යට අම­ත­රව මැති­ව­රණ පන­තින්ද මැති­ව­රණ නීති උල්ලං­ඝ­නය කර­න්නන්ට එරෙ­හිව නීතිය ක්‍රියා­ත්මක කර­න්න­ටය. ප්‍රජා අයි­තිය අහිමි කිරී­මට හැකි­යාව ලැබෙන්නේ මැති­ව­රණ පන­තින් ක්‍රියා­ත්මක වීමේ­දීය.

මැති­ව­රණ පන­තට අනුව හොර ඡන්ද දැමීම්, ඡන්ද පත්‍රිකා විනාශ කිරීම් ආදී ඡන්ද වැරදි සම්බ­න්ධ­යෙන් දඬු­වම වසර දෙක­කට නොවැඩි සිර දඬු­ව­මක් සමඟ වසර 07 ක ප්‍රජා අයි­තිය අහිමි කිරී­මකි. අල්ලස් දීම්, සංග්‍රහ කිරීම්, අයුතු බල­පෑම් කිරීම් වැනි වැරදි මැති­ව­රණ පන­තට අනුව වර්ග කෙරෙන්නේ දූෂණ ක්‍රියා ලෙසිනි. ආග­මික ස්ථාන කේන්ද්‍ර කර­ග­නි­මින් සිදු වන මැති­ව­රණ ප්‍රචාර අයත් වන්නේ දූෂණ ක්‍රියා ගොන්න­ටය. ඊට වැර­දි­ක­රු­වෙකු වන තැනැ­ත්තෙ­කුට හිමි වන්නේ රුපි­යල් 300ක දඩ­යක් සහ වසර තුනක ප්‍රජා අයි­තිය අහිමි වීමකි.

ප්‍රවෘ­ත්ති­ප­ත්‍ර­වල අසත්‍ය වාර්තා හා ප්‍රකා­ශන මුද්‍රණ කට­යුතු සම්බන්ධ වැරදි ඇතු­ළත් වන්නේ නීති විරෝධි ක්‍රියා ගණ­ය­ටය. මැති­ව­රණ පන­තට අනුව ඒ සම්බ­න්ධ­යෙන්ද වැර­දි­ක­රු­වෙකු වූ තැනැ­ත්තෙ­කුට හිමි වන්නේ රුපි­යල් 300ක දඩ­යක් සමඟ වසර තුනක ප්‍රජා අයි­තිය අහිමි වීමක් පමණි.

පොලි­සිය සඳ­හන් කරන්නේ මැති­ව­රණ නීති උල්ලං­ඝ­නය කර­න්නන් වරෙ­න්තු­වක් නැතිව අත්අ­ඩං­ගු­වට ගැනී­මට හැකි බවය. එබැ­වින් මෙවර මැති­ව­ර­ණ­යේදී වෙනත් කිසිදු මැති­ව­ර­ණ­යක නැති ආකා­රයේ ආර­ක්ෂක පිය­වර රැසක් ගෙන ඇති බව පොලී­සිය පැත්තෙන් සඳ­හන් වේ. මේ ලියන මොහොත වන විටත් සියල්ල සාම­කා­මීය. නීති­යට වංගු දාන්නට එන අය ඇත්තේ නැති තරම්ය. මැති­ව­රණ නීති උල්ලං­ඝ­නය කිරීම්ද ඇත්තේ ඉතා පහ­ළම අග­ය­කය. මැති­ව­රණ කොමි­සමේ බල­ව­ත්ක­මත් පොලිස් කොමි­ස­මෙන් පොලී­සි­යට ලැබී ඇති රැක­ව­ර­ණ­යත් වැඩ­බ­ලන පොලි­ස්පති සී.ඩී. වික්‍ර­ම­රත්න මහතා පොලී­සිය මෙහෙ­ය­වන ආකා­ර­යත් ඊට මුල් වී ඇති බව පැහැ­දි­ලිය. එය රටේ අනා­ග­ත­යට සුබ ලකු­ණක් වනු නිසැ­කය.

Dinamina