හෙට (14) දින ජනාධිපති මෛත්‍රිපාල සිරිසේන මහතාගේ ප්‍රධානත්වයෙන් පැවැත්වීමට නියමිත අමාත්‍ය මණ්ඩල රැස්වීම බොහෝ තීරණාත්මක එකක් වනු ඇති බවට දේශපාලන අභ්‍යන්තර ආරංචි මාර්ගවලින් වාර්තා වේ.

පෙ.ව. 10.00 ට ජනාධිපතිවරයාගේ ප්‍රධානත්වයෙන් ජනාධීපති ලේකම් කාර්යාලයේදී මෙම අමාත්‍ය මණ්ඩල රැස්වීම පැවැත්වීමට නියමිතයි.
2018 පළාත් පාලන මැතිවරණයේ ඡන්ද ප්‍රතිඵලවලින් පසුව රටේ ඇතිවී තිබෙන වත්මන් දේශපාලන තත්ත්වය සහ ජනාධිපතිතුමා කඩිනමින් ක්‍රියාත්මක කිරීමට සුදානම් වන රටට දැනෙන වෙනස ගැන මෙම අමාත්‍ය මණ්ඩල රැස්වීමේදී කතාබහ කිරීමට සුදානමක් පවතින බවටද තොරතුරු වාර්තා වේ.
මීට අමතරව වත්මන් ආණ්ඩුව ඉදිරියට ගෙනාමේදී සිදුකළ යුතු වෙනස්කම් ගැන අමාත්‍යවරුන් කිහිප දෙනෙකුම මෙම අමාත්‍ය මණ්ඩල රැස්වීමට කරුණු ඉදිරිපත් කිරීමට සූදානමින් සිටින බවද දේශපාලන අභ්‍යන්තර ආරංචි මාර්ගවලින් වැඩිදුරටත් වාර්තාවේ.
අද (13)දින පැවැත්වීමට නියමිත අමාත්‍යමණ්ඩල රැස්වීම හෙට 14දින පැවැත්වෙන්නේඅද දිනට මහාශිවරාත්‍රි දිනය යෙදී තිබෙන නිසාය.