සිරියානු ආණ්ඩු විරෝධි කැරලිකරුවන්ගේ සහ ඉස්ලාම් රාජ්‍ය සංවිධානයේ ක්‍රියාකාරකම් හේතුවෙන් දැඩි ලෙස විනාශවුණු සිරියානු ආර්ථිකය නාසිටුවීම සඳහා ආධාර කරන ලෙස රුසියාව බ්‍රික්ස්(BRICS- Brazil,Russia,india,china, south Africa) සංවිධානයේ අනෙකුත් සාමාජික රටවලින් ඉල්ලීමක් කර තිබේ. ඒ අනුව සිරියානු වෙළඳපොළ තුල ආයෝජන සිදුකරමින් එරට ආර්ථිකය යළි නගාසිටුවීමට දායකත්වය ලබාදෙන ලෙස රුසියාව මෙහිදී ඉල්ලා සිටී.
සිරියානු ඇස්තමේන්තු අනුව යුධ ගැටුම් හේතුවෙන් එරට දේපොළ වෙළෙදාම් අංශය වෙත සිදුවුනු හානිය ඇමෙරිකානු ඩොලර් බිලියන 75 ඉක්මවා තිබේ. එසේම ගැටුම් ඇතිවීමට පෙරාතුව සිරියාවේ පැවති දළ දේශිය නිෂ්පාදිතයේ අගය යළිත් ළඟා කර ගැනීම සඳහා එරටට අවශ්‍ය මුදල ඇමෙරිකානු ඩොලර් බිලියන 200ක් පමණ බවත් එක්සත් ජාතීන්ගේ සංවිධානය පවසා ඇත.