පළාත් සභා මැතිවරණය මේ වසරේ සැප්තැම්බර් මාසයේදී පැවැත්වීමට නියමිත බවත් ඒ සඳහා මැයි මාසයේ සිට සූදානම් වන බවත් මැතිවරණ කොමිෂන් සභාව පවසයි.
පැවැත්වූ පළාත් පාලන ආයතන මැතිවරණය ඉතා හොදින් පැවැත්වූ බවත් ඒ ගැන සතුටක් සේම මැතිවරණ රාජකාරි කිරීමේදී නිලධාරියෙකු මියයෑම පිළිබඳ දුකක් පවතින බවද එම කොමිසමේ සභාපති මහින්ද දේශප්‍රිය මහතා සඳහන් කළේය.

ඊයේ (14) දින පැවති මාධ්‍ය සාකච්ඡාවකදී මේ බව කී සභාපතිවරයා වැඩිදුරටත් සඳහන් කළේ 25% කාන්තා නියෝජනය ඇති කිරීමට යාමේදී යම් ගැටලු කාරි තත්ත්වයක් ඇතිවී තිබෙන බව ත් මේ නිසා දේශපාලන පක්ෂ සමග සාකච්ඡාකර කාන්තා නියෝජනය පිළිබඳ පහත සංශෝධන ය කිරීමට අදාළ යෝජනාව සිදු කිරීමට සැලසුම් කර තිබෙන බවත්ය. 25% කාන්තා නියෝජනය සම්පුර්ණ කිරීමට පක්ෂ විසින් කාන්තා සභිකයන් ඉදිරිපත් කිරීමට සිදුවීම නිසා මෙම ගැටලුව ඇතිවී තිබෙන බවද ඔහු කියා සිටියේය.