බොලිවියාවේ ජනපති ඊවෝ මොරාලෙස්ට එරෙහිව පැවැත්වූ විරෝධතාවයන්ට එරට පොලිසිය ද එක්වූ බව වාර්තා වීමෙන් පසු ජනාධිපතිවරයා ආරක්ෂා කිරීම සඳහා එක්වන ලෙස පාලක පක්ෂය සිය ආධාරකරුවන්ගෙන් ඉල්ලා ඇත.
ලතින් ඇමෙරිකානු රටක් වන බොලිවියාවේ නායකයා ලෙස දීර්ඝ කාලයක් කටයුතු කළ මොරාලෙස් මහතා පසුගිය කාලයේ පැවති මැතිවරණයෙක් සිව්වන වරටත් ජනාධිපතිවරයා ලෙස තේරී පත්විය.
උද්ඝෝෂකයන් චෝදනා කරන්නේ මෙම මැතිවරණය වංචා සහගත බවයි.
සෙනසුරාදා (9) විපක්ෂයේ විරෝධතාකරුවෝ රාජ්‍ය මාධ්‍ය දෙකක් බලහත්කාරයෙන් අත්පත් කරගත්හ.
මෙය හෙළා දකිමින් මොරාලෙස් මහතා කියා සිටියේ විරෝධතාකරුවන් ප්‍රජාතන්ත්‍රවාදය ආරක්ෂා කරන බවට පවසන නමුත් ඔවුන් ඒකාධිපති පාලකයන් ලෙස හැසිරෙන බවයි.
සියලු චෝදනා ප්‍රතික්ෂේප කරන අතර ඉල්ලා අස් නොවන බවද මොරාලෙස් මහතා පවසයි.
පොලිසියේ කැරැල්ල මැඩපැවැත්වීම සඳහා හමුදාව යෙදීමේ කිසිදු සැලැස්මක් නොමැති බව එරට ආරක්ෂක ඇමැති සඳහන් කරයි.
මාසයක පමණ කාලයක් තිස්සේ පැවති විරෝධතා වලින් මේවනවිට පුද්ගලයන් තිදෙනකු මියගොස් සිය ගණනක් තුවාල ලබා ඇත.
මොරාලෙස් මහතා ඉල්ලා අස්විය යුතු බවත් නව මැතිවරණයක් පැවැත්විය යුතු බවත් ප්රධාන ප්‍රතිවාදියා වන කාලෝස් මේසා පවසයි.
(බීබීසී ඇසුරිණි – 085)
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...