ජානිපෙ නායක විමල් වීරවංශ මහතා සහ උතුරු – නැගෙනහිර දේශපාලන පක්ෂ කිහිපයක නායකයන්, එම පළාත්වල විද්වත් වෘත්තිකයන් පිරිසක් අතර අද (10) තලවතුගොඩ ග්‍රෑන්ඩ් මොනාක් හෝටලයේදී විශේෂ සාකච්ඡාවක් පැවැත්විණි.

එම සාකච්ඡාවෙන් අනතුරුව එම ස්ථානයේදීම මාධ්‍ය සාකච්ඡාවක්ද සිදු කෙරිණි. එම මාධ්‍ය හමුවේදී ජානිපෙ නායක විමල් වීරවංශ, ඉංජිනේරු වෘත්තික පද්මනාදන් තයාබරන්, ඉලවර් ප්‍රජාතන්ත්‍රවාදී පක්ෂයේ දේශපාලන මණඩල සභික පී.එල්. රිචඩ්, ශ්‍රී ලංකා ජනතා ජාතික පක්ෂයේ නායක එස්. විෂ්ණුකාන්තන් යන මහත්වරු අදහස් දැක්වූහ.

ඉහත සාකච්ඡාවේදී ‘උතුරේ ජනතාව වෙත දකුණේ ජනතාවගෙන් : ජාතික ගැටළුව දිර්ඝකාලීනව විසදීම සදහා වන මූලික ආරම්භක ප්‍රවේශය’ යන තේමාව යටතේ ලියැවුණු දස වැදැරූම් වැඩ පිළිවෙළක් ද විමල් වීරවංශ මහතා විසින් ඉහත පිරිස වෙත පිළිගැන්වීය. එම දසවැදැරූම් වැඩපිළිවෙළ උතුරේ ජනතාව වෙනුවෙන් විමල් වීරවංශ මහතා විසින් අනාගත ජනාධිපති ගෝඨාභය රාජපක්ෂයන් වෙත භාර දීමට නියමිතය.