පාස්කු ඉරුදින ඛේදවාචකය සම්බන්ධයෙන් තමා රටෙන් සමාව ඉල්ලන බව නව ප්‍රජාතන්ත්‍රවාදී පෙරමුණේ ජනාධිපතිධුර අපේක්ෂක සජිත් ප්‍රේමදාස මහතා පවසයි.
ඔහු මේ බව ප්‍රකාශ කළේ මීගමුව නගරයේ පැවති ජන රැලියක් අමතමින්.
එක්ව ඉදිරියට යන්න තේමා කරගනිමින් නව ප්‍රජාතන්ත්‍රවාදී පෙරමුණේ ජනාධිපතිධුර අපේක්ෂක සජිත් ප්‍රේමදාස මහතා සහභාගි වන ජනරැලි මාලාවේ තවත් ජනරැලියක් මීගමුව නගරයේදී ඊයේ (11) පැවැත් විය.
මෙහිදී අදහස් දක්වමින් කාවින්ද ජයවර්ධන මහතා පවසා සිටියේ, අපරාධ, මංකොල්ලකෑම් හා කුඩු වැනි සියලු දෑ පක්ෂ භේදයෙන් තොරව අවසන් කරන බවයි.
සජිත් ප්‍රේමදාස මහතා සුපිරිසිදු නායකයෙක් බවත්, වංචනිකයින් ඔහුගේ කැබිනට් මණ්ඩලය තුළ නොමැති බවත් කියා සිටි කාවින්ද ජයවර්ධන මහතා, මේ නව ශිෂ්ටාචාරය සජිත් ප්‍රේමදාස මහතා ඇති කරන බවත් පැවසීය.
අග්‍රාමාත්‍ය රනිල් වික්‍රමසිංහ මහතා මෙහිදී පවසා සිටියේ, මේ රටට රූපවාහිනිය ලබා දුන්නේ එක්සත් ජාතික පක්ෂය බවයි.
තරුණයින්ට ඩෙනිම් ඇඳීමට හැකි වුයේ ද එක්සත් ජාතික පක්ෂය නිසා යැයි පැවසු අගමැතිවරයා, පරම්පරා අතර සෑම විටම යම් වෙනසක් ඇතැයි ද පැවසීය.
දේශපාලනඥයෝ ඇනලොග්-තරුණයෝ ඩිජිටල් යනුවෙන් ද පැවසු ඒ මහතා තරුණයින් සමඟ වේගයෙන් ගමන් කිරීමට නම් සියලු දෙනා ඔන් ලයින් විය යුතු යැයි ද කියා සිටියේය.
ඒ ගමන යෑම සඳහා සජිත් ප්‍රේමදාස මහතා අපේක්ෂකයා ලෙස ඉදිරිපත් කර ඇතැයිද අගමැතිවරයා මෙහිදී පැවසීය.
මෙහිදී අදහස් දක්වමින් සජිත් ප්‍රේමදාස මහතා පවසා සිටියේ, අප්‍රේල් 21 වන දින එල්ල වු පාස්කු ප්‍රහාරය තුළින් විපතට පත් පවුල්වලට හා හානියට පත් දේවස්ථානවලට තමා පෞද්ගලිකව කණගාටුව පළ කරන බවයි.
එපමණක් නොව කැබිනට් අමාත්‍යවරයෙක් ලෙස තමා ජනතාවගෙන් හා රටෙන් දැයෙනුත් සමාව ඉල්ලා සිටින බවද ප්‍රේමදාස මහතා මෙහිදී කියා සිටියේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...