දින හතරක සිට උපවාසයේ නිරත ආචාර්ය පූජ්‍ය ඉඟුරුවත්තේ සුමංගල හිමියන්ට ජීවිත තර්ජනයක් එල්ලවී ඇති බවට උන්වහන්සේට හිතවත් හිමිවරුන් සහ සමාජයේ බොහෝ පිරිසකගෙන් මේවන විට චෝදනා එල්ලවෙමින් ඇත.

තව දුරටත් උපවාසය පවත්වාගෙන යා නොහැකි බව පවසමින් සිටින උන්වහන්සේට දැඩි විරෝධතාවයක් එම උපවාසය මෙහෙයවන්නන් විසින් සිදු කරමින් ඇති බව එම හිමියන්ට සමීප හිමිවරුන් විසින් සඳහන් කළහ.
මෙම ස්ථානය නිරීක්ෂණය කළ බොහෝ දෙනෙකු පවසන්නේ යම් කණ්ඩායමක බලපෑමක් මත උන්වහන්සේ එම එස්ථානයේ රදවාගෙන සිටින බවය.

එමෙන්ම උන්වහන්සේගේ ජීවිතයට තර්ජනයක් එල්ලවන ආකාරයේ සිදුවීම්ද එම ස්ථානය නිරීක්ෂණය කළ පිරිසට පෙනී ගිය බවත් උන්වහන්සේ අසල යම් පුද්ගලයෙකු බිම වැතිරී දවස පුරාම සිටින ආකාරය දැකගතහැකිවූ බවත් ඔවුහු පවසති.

කෙසේ වෙතත් මේ උපවාසය සම්බන්ධයෙන් ගෝටාභට රාජපක්ෂ මහතා හා ඔහුගේ පාර්ශ්වයේ කිසිවෙකුගෙන් උන්වහන්සේට ප්‍රතිචාරයක් මේ වන තෙක් දක්වා නැති අතර ඉදිරියේදී ද කිසිදු තැකීමක් නොකරනු ඇති බවද වාර්තා වෙයි.

මේ තත්ත්වය මත උන්වහන්සේ අපවත් වන තෙක්ම එම ස්ථානයේ රඳවා තැබීමට බලවත් උත්සාහයක් ගැනීමට උපවාසයෙන් මෙහෙයවන සජිත් ප්‍රේමදාස මහතාට හිතවාදී පිරිස් විසින් කටයුතු කරමින් සිටින බවද දැනගන්නට ඇත.