ඡන්ද පෙට්ටි ප්‍රවාහනය කිරීමට හම්බන්තොට සුචී ජාතික පාසලට පැමිණි වෑන් රථයක ඡන්ද පත්‍රිකාවට සමාන ව්‍යාජ ඡන්ද පත්‍රිකා 58 ක් තිබී අද(15) හමු වූ බවත් එහි රියදුරු අත්අඩංගුවට ගත් බවත් හම්බන්තොට මූලස්ථාන පොලිසිය කියයි.
මුල්ගිරිගල ආසනයේ ඉත්තදෙමළිය ඡන්ද මධ්‍යස්ථානයට ඡන්ද පෙට්ටි ප්‍රවාහනය කිරීමට ඡන්ද පොළ භාර නිලධාරියා, පොලිස් නිලධාරියා සහ සහයකයා ඡන්ද පෙට්ටිය රැගෙන මෙම වෑන් රථයට ඇතුළු වී ඇත. එහි රියදුරු අසුන අසළ තිබී මෙම ව්‍යාජ ඡන්ද පත්‍රිකා තොගය හමු වී ඇති බව හම්බන්තොට දිස්ත්‍රික් තේරීම්භාර නිලධාරී එම්.කේ බන්දුල හරිස්චන්ද්‍ර මහතා කීය.
ව්‍යාජ ඡන්ද පත්‍රිකාවේ කිසිම සලකුණක් ලකුණු කර නොමැති අතර පත්‍රිකාවට යටින් ඡන්ද දායකයින් දැනුවත් කිරීම සඳහා පමණක් යනුවෙන් සඳහන් කර තිබූ බවද පොලිසිය කියයි.
මේ හේතුවෙන් වෙනත් වාහනයක් යොදා එම මධ්‍යස්ථානයට ඡන්ද පෙට්ටි ප්‍රවාහනය කිරීම සිදු කෙරිණි.
අත්අඩංගුවට ගත් සැකකාර රියදුරු තිස්සමහාරාම මෝල කැපූ පතාන ප්‍රදේශයේ පදිංචිකරුවෙකි.
මෙම වෑන් රථය පසුගිය දිනවල මැතිවරණ ප්‍රචාරක කටයුතු වෙනුවෙන් කුලියට ලබා දී තිබූ වෑන් රථයක් බවද රියදුරු පොලීසියට ප්‍රකාශ කර ඇත.
සිද්ධිය සම්බන්ධයෙන් හම්බන්තොට මූලස්ථාන පොලිසිය වැඩිදුර පරීක්ෂණ පවත්වයි.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...