නාවික හමුදාපති වයිස් අද්මිරාල් පියල් ද සිල්වා මහතා ඊයේ (19) කොළඹ ජනාධිපති ලේකම් කාර්යාලයේදී ජනාධිපති සහ ත්‍රිවිධ හමුදා සේනාධිනායක ගෝඨාභය රාජපක්ෂ මහතා හමුවී තිබේ.

නාවික හමුදාපතිවරයා විසින් ජනාධිපතිවරයා රාජ්‍ය නායකයා ලෙස වැඩ භාර ගැනීමෙන් පසු හමුවූ පළමු නිල හමුව මෙය විය.

7 වන විධායක ජනාධිපති ධුරයට පත්වීම පිළිබඳව නාවික හමුදාපතිවරයා සිය කැමැත්ත පළ කළ අතර පසුව ඔවුන් සුහද සාකච්ඡාවක් පවත්වා තිබේ.

මෙම අවස්ථාවට ඇති වැදගත්කම සනිටුහන් කරමින් නාවික හමුදා ප්‍රධානියා විසින් ජනාධිපතිවරයාට සිහිවටනයක් පිරිනමා තිබේ.

මේ අතර, යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා විසින් ඊයේ (18) පෙරවරුවේ ජනාධිපති ලේකම් කාර්යාලයේදී ජනාධිපති ගෝඨාභය රාජපක්ෂ මහතා වෙත සිය පළමු නිල ගෞරවය දැක්වීය.

ලුතිනන් ජෙනරාල් සිල්වා මහතා ජනාධිපතිවරයාට සිය සුබ පැතුම් පිරිනැමූ අතර සන්නද්ධ හමුදාවන්හි සේනාධිනායකයා විසින් ලබා දුන් මාර්ගෝපදේශයන්ට අනුව ජාතික කැපවීම් ඉටු කිරීම සඳහා තම හමුදාවේ හොඳම සහයෝගය සෑම විටම සහතික කළේය.

කෙටි හමුව අවසානය වන විට, ලුතිනන් ජෙනරාල් සිල්වා විසින් ජනාධිපතිවරයාගේ සමාරම්භක උත්සවයට සමගාමීව සිහිවටනයක් ලෙස නව ජනාධිපතිවරයාට දාගැබක අනුරුවක් පිරිනැමීය.