පාස්කු ඉරුදින එල්ලවූ ත්‍රස්තවාදී ප්‍රහාරය සම්බන්ධයෙන් විමර්ශනය කිරීම සඳහා කඩිනමින් ස්වාධීන කොමිසමක් පත්කරන බව ජනාධිපති ගෝඨාභය රාජපක්‍ෂ මහතා අද (21) පැවැසීය.
එමෙන්ම නැවත එවැනි ක්‍රියා සිදුනොවීමට බිඳවැටී ඇති බුද්ධි අංශ නඟා සිටුවීමට අවශ්‍ය ක්‍රියාමාර්ග තමා මේ වනවිටත් ආරක්‍ෂක ලේකම්වරයාට දැනුම් දී තිබෙන බවද ඔහු කීය.
ඒ අනුව ආරක්‍ෂක ලේකම්වරයා ලෙස කටයුතු කළ සමයේදී බුද්ධි අංශ ශක්තිමත් කරමින් තමන් ක්‍රියාත්මක කළ වැඩපිළිවෙල නැවැත ආරම්භ කරන බවද ඔහු සඳහන් කළහ.
ජනාධිපති ගෝඨාභය රාජපක්‍ෂ මහතා අද (21) පස්වරුවේදී මැල්කම් කාදිනල් රංජිත් කොළඹ අගරදගුරුතුමන් බැහැදුටු අවස්ථාවේදී මේ බව කීය.
බොරැල්ලේ පිහිටි අගරදගුරු නිල නිවසේදී මෙම හමුව සිදුවූ අතර පාස්කු ඉරුදින එල්ල වූ ත්‍රස්තවාදී ප්‍රහාරයට සම්බන්ධ පුද්ගලයන් සම්බන්ධයෙන් තරාතිරම නොබලා අවශ්‍ය ක්‍රියාමාර්ග ගන්නා ලෙසට අගරදගුරු හිමියො ජනාධිපතිවරයාගෙන් ඉල්ලීමක් කළහ.
පාස්කු ඉරුදින එල්ලවූ ත්‍රස්තවාදී ප්‍රහාරයෙන් මියගිය හා ආබාධිත තත්ත්වයට පත්වූ ජනතාවට මේ වනතෙක් සාධාරණයක් ඉටු නොවූ බව කී කාදිනල් හිමියෝ එම ප්‍රහාරයට සම්බන්ධයැයි පැවසෙන පුද්ගලයන් සම්බන්ධයෙන් නිසිපරිදි විමර්ෂන සිදු නොවන බවද සඳහන් කළහ.
ආගම, ජාතිය, කුමක් වුවත් කිසිවෙකුට මිනිස් ජීවිතවලට හානි කිරීමට ඉඩ දිය නොහැකි බවද උන්වහන්සේ වැඩිදුරටත් පැවැසීය.
එමෙන්ම ගෝඨාභය රාජපක්‍ෂ මහතා ජනාධිපතිවරයා වශයෙන් මේ වනතෙක් ගෙන ඇති ක්‍රියාමාර්ග කාදිනල් හිමියෝ අගය කළහ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...