ලංකාවේ අභිවෘද්ධිය තකා වැඩ කරන මෙතන බුකියේ දේශපාලන වැඩ කරන සියළු දෙනාගෙන්ම මම ඉල්ලා සිටිනවා මේ දවස් වල මියන්මාරය සම්බන්ධයෙන් සිද්ධ වෙන දේවල් දිහා නිරීක්ෂණය කරන්න කියලා…..

අපි කවුරුත් දන්නවානේ මියන්මාරයේ රෝහින්ග්‍යා ප්‍රශ්නය. ඒක සම්බන්ධව UN එකේ මියන්මාරයට විරුද්ධව යෝජනා 78කට වැඩිය සම්මත වෙලා තියනවා. ඒ අතරින් 2019 දි අන්තර්ජාතික පරීක්ෂණයක් (ඇත්තටම කිව්වොත් fact finding mission) එකක් කරලා අන්තිමට UN එක කිව්වා මියන්මාරය විශේෂයෙන් එහෙ හමුදා නිලධාරීන් රෝහින්ග්‍යාවරුන්ට එරෙහිව ජනසංහාර genocide චෝදනා වලට ලක් කරන්න පුළුවන්, මියන්මාරයේ වෙන්නේ වාර්ගික සංහාරයක් හා ජනසංහාරය්ක කියලා…..

දැන් මෙතන අපිට අදාළ වෙන කොටස මේකයි………මියන්මාරය මෙච්චර දවස්, ජාත්‍යන්තර යුද අපරාධ උසාවියෙන් ගැලවිලා හිටියා චීනය ආරක්ෂක කවුන්සිලයේ ඉන්න නිසා, ඒකේ උදව්වෙන්. සාමාන්‍ය යෙන් රටක් හේග් නුවර යුද අපරාධ කවුන්සිලය වෙත යොමු කරන්න පුළුවන් වෙන්නේ ආරක්ෂක කවුන්සිලයෙන්, නැත්තම් ICC ප්‍රඥප්තියට අත්සන් කරලා තිබිය යුතුයි. මියන්මාරයත් අත්සන් කරලා නැ ඒ වගේම ආරක්ෂක කවුන්සිලයේදී චීන ආවරණය ලැබුණා. ලංකාවට වගේම……..

නමුත් දැන් වටවංගුවක් ගහලා මියන්මාරය ඇදගෙන යනවා හේග් නුවර යුද අපරාධ අධිකරණයට. ඒක කරන්නේ OIC එක ඒ කියන්නේ Organisation of Islamic Countries වලින් මුදල් ලබාගෙන ගැමීබියාව හරහා….ඇත්තටම ගැමීබියාව මේ කරන්නේ කීයක් හරි හොයාගන්න…….

ගැමීබියාව අන්තර්ජාතික යුක්තිය පිළිබඳ අධිකරණය International court of justice, International Criminal Court හා ආර්ජන්ටිනාව යන රටවල Universal Jurisprudence යටතේ නඩු දාලා තියනවා. ( ඔය අන්තිම එක තමයි පහුගිය දවස් වල ලංකාවට කරන්න කියලා සයිඩ් අල් හුසේන් සාමාජික රටවලින් ඉල්ලුවේ) ඔන්න දැන් එක්කෙනෙක් කරනවා ඒක මියන්මාරයට විරුද්ධව………මයින්මාරයට විරුද්ධව මේ කියන ගැමීබියා රට නඩු ටික දානවා. ඒක දාන්නේ ඒ රජයෙන්මයි. ( රජයකට පමණයි තවත් රජයකට එරෙහිව නඩු දාන්න පුළුවන්). රටේ නායකයා වන අවුං සාන් සුකී හා හමුදා ලොක්කෝ ඉලක්ක කරලා තමයි නඩු දාන්නේ. රාජ්‍ය නායකයෙක් කියලා මේ අයට diplomatic cover එක හම්බෙලා නැ…….ඒ වගේම මෙතන ලස්සන වැඩේ මේ ICC ප්‍රඥප්තියට අත්සන් කරලා නැති මියන්මාරය ගේන්නේ ලස්සන නීති තර්කයක් දාලා. ඒ තමයි මේ රෝහින්ග්‍යා සරණාගතයින් ඉන්නේ බංග්ලාදේශයේ. බංග්ලාදේශය කියන්නේ ICC ප්‍රඥප්තියට අත්සන් කරපු රටක්……..ඒ නිසා මේ කේස් එක ICC එකට ගෙනියන්න පුළුවන් මියන්මාරය වග උත්තරකරුවෙක් කරලා……ඒ විදිහටම ICC එකේ chief prosecutor ( එයත් ගැමීබියානු ජාතික කාන්තාවක් 🙂 ) මේ නඩුව භාර ගත්තා……දැන් ලබන මාසේ ඉඳන් මියන්මාරයට එරෙහිව යුද අපරාධ පිළිබඳව නඩුව ජාත්‍යන්තර අපරාධ අධිකරණයේ විභාග වෙනෙවා……

මෙතන පෙන්වන දේ තමයි අපේ රටට විරුද්ධව වැඩ කරන INGOs හා විදේශ රටවල් වලට ලංකාව ඉලක්ක කරන්න මේක හොඳ විදිහක් බව. විශේෂයේන ලංකාව පාලනය කරගන්න ඒ අයට ඕන වෙන කොට නැත්තම් අර සූකාගේ NGO එකට ඕන වෙන කොට මේ වැඩේ කරන්න පුළුවන්. මේක ඒ අයට හොඳ අවස්ථාවක්. සල්ලි විතරයි ඕන. ඒ නිසා මේක අපි ඉස්සරහා තියන බරපතල possible තර්ජනයක්

UN ප්‍රශ්නය හුදු යෝජනාව නොපිළිගෙන ඉන්නවා වගේ ලේසි උත්තර තියන දෙයක් නෙමෙයි. ඒ නිසා නව රජයට සම්බන්ධ කෙනෙක් ඉන්නවා නම්, කරුණාකර එහි වගකිව යුත්තෙක්ට මේ සම්බන්ධව දන්වන්න……..
ඒ වගේම මේ ගැටළුව සම්බන්ධයෙන් ගන්න පුළුවන් ක්‍රියාමාර්ග ගැන සොයා බලන්න….මේ අවස්ථාව සූකා ප්‍රමුඛ කොටි රැල අත්නොහරින බව මගේ විශ්වාසයයි…prepare for the worst case scenario………

-Ish Diaz