අමෙරිකාව නොර්ඩ් ස්ට්‍රීම් 2 ව්‍යාපෘතිය හා සම්බන්ධවී සිටින යුරෝපයේ රටවල් වලට අයත් සමාගම් වලට සම්බාධක පනවනවා යැයි කරනු ලබන තර්ජන හමුවේ ස්විස් නෙදර්ලන්ත සමාගමක් වන “ඕල් සීස්” සමාගම බෝල්ටික් මුහුදේ ගෑස් නල එලීම අත්හිටුවීමට තීරණය කර ඇතැයි වාර්තාවේ.
මේ සම්බන්ධයෙන් අදහස් දක්වන රුසියානු බල ශක්ති ඇමතිවරයා සඳහන් කළේ අවසන් අදියරේ නල එලමින් පවතින නෝර්ඩ් ස්ට්‍රීම් 2 ව්‍යාපෘතියේ කටයුතු කිසිදු ප්‍රමාදයකින් තොරව කරගෙන යාමට රුසියානු ඉන්ජිනේරුවන්ට හැකියාව පවතින බවය.
කෙසේ වුවත් “මැරයින් ට්‍රැෆික්” නම් නාවික යාත්‍රා වල චලනයන් නිරීක්ෂණය කරනු ලබන වෙබ් අඩවියට අනුව ඕල් සීස් සමාගමට අයත් සොලිටෙයාර් සහ පයනියරින්ග් ස්පිරිට් නම් වූ ගෑස් නල එලීමෙ කටයුතු වල නියැලුනු නෞකා තවමත් බෝල්ටික් මුහුද ආශ්‍රිත ප්‍රදේශයේම පවතින බව නිරීක්ෂණය කළ හැකිය.

ජීවන්ත ජයතිස්ස
jeewanthaj@gmail.com