නිසි නඩත්තුවක් නොමැතිව විනාශ වෙමින් තිබෙන වී ගබඩා කඩිනමින් පිලිසකර කිරීමට ජීවන වියදම් පිළිබඳ කැබිනට් අනුකමිටුව තීරණය කර තිබෙනවා. ඒ, ජනාධිපති ගෝඨාභය රාජපක්ෂ මහතාගේ ප‍්‍රධානත්වයෙන් ඊයේ (24) රැස්වූ අවස්ථාවේදීයි.

වෙළඳපොලෙහි සහල් මිල පාලනයට තවදුරටත් මැදිහත්වීම ද මෙහිදී සාකච්ඡා වී තිබෙනවා.

මත්ස්‍ය ආනයනයේදී අය කෙරෙන බද්ද, වැඩිකිරීමට ද ජීවන වියදම් පිළිබඳ කැබිනට් අනුකමිටුව තීරණය කර ඇති බවයි නෙත් නිවුස් වෙත වාර්තා වුණේ.

මුලින් කිලෝග‍්‍රෑම් 01 කට රුපියල් 100 ක්ව පැවැති මෙම බද්ද ඉකුත් ආණ්ඩුව සමයේදී රුපියල් 25 ක් දක්වා අඩු කෙරුණා.

ඒ හේතුවෙන් මත්ස්‍ය ආනයනය වැඩිවී ශ‍්‍රී ලාංකික ධීවරයන් පීඩාවට පත්වන බවයි නිරීක්ෂණය වී තිබෙන්නේ. එබැවින් මත්ස්‍ය ආනයන බද්ද නැවත කිලෝග‍්‍රෑම් 01 කට රුපියල් 100 දක්වා වැඩිකිරීමට ජීවන වියදම් පිළිබඳ කැබිනට් අනුකමිටුව තීරණය කර තිබෙනවා.