රන්ජන් රාමනායක මහතා විසින් පටිගත කළ හඬපට බොහොමයක් තෙවැනි පාර්ශ්වයක් අතට පත්වීමත් සමග හිටපු යහපාලන ආණ්ඩුවේ නිලතල දැරූ පිරිස් හා ඇතැම් ජනතා නියෝජිතයින්ද කලබලයට පත්ව ඇතැයි වාර්තා වේ.
මේවන විටත් මාධ්‍යයට නිකුත්වී ඇති හඬපට ඔස්සේ බොහෝ දෙනෙකුගේ නම් සඳහන් වීමත් සමග අදාළ පිරිස් මෙම අර්බුදයට මුහුණපා ඇතැයි ද සඳහන්.

තතුදත් ආරංචිමාර්ග සඳහන් කරන්නේ ඇතැම් පුද්ගලයන්ට හා නීතියට බලපෑම් කිරීමේ හඬපට කිහිපයකම එජාප ප්‍රබලයන්ගේ සහ යහපාලන ආණ්ඩුවේ ක්‍රියාකාරී නිලධාරීන්ගේ නම් සඳහන්ව ඇති බවයි.
ඒ අනුව ඉදිරියේදී නීතිය ඉදිරියේ සාක්ෂි සැපයීමට අදාළ පාර්ශ්වයන්ටද සිදුවනු ඇති බව අභ්‍යන්තර ආරංචිමාර්ග වැඩිදුරටත් සඳහන් කරයි.

කෙසේවුවද මෙම තත්ත්වය සැලවීමත් සමග එජාපයේ ඇතැම් පිරිස් කලබලයට පත්ව ඇතිවාක් මෙන්ම එක්තරා මන්ත්‍රීවරියක් දැනටමත් රෝගී තත්ත්වයට පත්ව ඇතැයි ද සඳහන්.