ඉන්දියානු සාගර කලාපයේ ඩියෙගෝ ගාර්සියා දුපත වෙත අමෙරිකාව විසින් සිය B-52 වර්ගයේ බෝම්බ හෙලන ගුවන් යානා 06ක් ඒවා ඇති බව විදෙස් මාධ්‍ය පවසයි.

පෙන්ටගන් බලධාරීන් සඳහන් කර සිටියේ මෙම බෝම්බ ප්‍රහාරක යානා ඉන්දියාවේ සාගර කලාපය වෙත පිටත් කර ඇත්තේ යම් හෙයකින් ඉරානයට එරෙහිව යුධ මෙහෙයුම් සිදුකිරීමට නියෝග ලැබුනහොත් ඒ සඳහා යොදා ගැනීමේ අරමුණින් බවය.

ඉකුත් වසරේ මැයි මාසයේදී අමෙරිකාව විසින් කටාර් හි පිහිටි සිය හමුදා කඳවුරු වෙත B-52 ප්‍රහාරක යානා එවනු ලැබීය.

මේ පිළිබඳ අදහස් දැක්වූ දේශහිතෛෂී ජාතික ව්‍යාපාරයේ මහලේකම් වෛද්‍ය වසන්ත බණ්ඩාර මහතා අවධාරණය කර සිටියේ ශ්‍රී ලංකාව ACSA ගිවිසුම අත්සන් කර ඇති බැවින් ඇමෙරිකාව විසින් තුන්වන පාර්ශවයක් සඳහා ප්‍රහාර එල්ල කිරීමේ අරමුණින් ගුවන් සහ නාවික යානා ස්ථානගත කිරීමට ලංකා සාගර කලාපය හෝ ගුවන්තොටුපල භාවිත කිරීමට ඒකපාර්ශවීය ඉල්ලීමක් කිරීමේ හැකියාවක් පවතින බවය.

වැඩිදුරටත් අදහස් දක්වමින් ඔහු පවසා සිටියේ මේ පිළිබඳව රජය, අනෙකුත් සංවිධාන සහ ජනතාව අවධානයෙන් සිට එවැනි තත්වයක් වලකා ගැනීම සඳහා කටයුතු කළ යුතු බවය.