අමෙරිකානු හමුදා වල සහායට ඉරාකයේ ස්ථානගතව සිටින ජර්මානු හමුදා සහයක බලඇණියේ කොටසක් අසල්වැසි ජෝර්දානයට හෝ ක්වේට් රාජ්‍යයට යැවීමට තීරණය කළ බව ජර්මානු රජය පවසයි.
ඉරාක භාරකාර රජයේ අගමැතිවරයා එරට පාර්ලිමේන්තුවට පසුගියදා යෝජනා කර සිටියේ ඉරාකයේ සිටින විදෙස් හමුදා වහාම ආපසු තම රටවලට යායුතු බවයි.

ඉරාක භාරකාර ආන්ඩුවේ අගමැතිවරයාගේ එම යෝජනාවට ප්‍රතිචාර දක්වමින් ජර්මානු චාන්සලර් ඇන්ජෙලා මාර්කෙල් මහත්මිය සහ ඉරාක භාරකාර ආන්ඩුවේ අගමැති අදෙල් අබ්දුල් මහාදි මහතා අතර ඇතිවූ දුරකතන සාකච්ඡාවකින් පසු මෙම තීරණය ගත් බව ජර්මානු මාධ්‍ය වාර්තා කර සිටී.

සාකච්ඡාවේදී ජර්මන් චාන්සලර්වරිය ඉරාක භාරකාර ආන්ඩුවේ අගමැතිවරයාට පවසා ඇත්තේ ඉදිරියටත් ඉරාකය සහ ජර්මනිය එක්ව ත්‍රස්තවාදය මර්ධනය කිරීම පිණිස එක්ව කටයුතු කිරීම අත්‍යාවශ්‍යය  බවයි.
ලෝක දේශපාලන විශ්ලේෂකයන්ට අනුව, ජර්මනියට රුසියාවේ සිට එලමින් සිටින ගෑස් නල ව්‍යාපෘතිය නතර කිරීමට අමෙරිකාව කරනු ලැබූ බලපෑම, ජර්මනියට අමෙරිකානු සම්බාධක පැනවීම දක්වා දුර දිග යාමේ ප්‍රතිඵලයක් ලෙස ජර්මණිය මෙවැනි තීන්දුවකට එළඹීමට පොළඹවන්නට හේතුවී  තිබේ.

01. ජර්මානු චාන්සලර් ඇන්ජෙලා මාර්කෙල් මහත්මිය

02. ඉරාක භාරකාර ආන්ඩුවේ අගමැති අදෙල් අබ්දුල් මහාදි මහතා