හිටපු ජනාධිපති මෛත්‍රීපාල සිරිසේන මහතාගේ බෑණා වන තිළිණ සුරංජිත් මහතා සහ හිටපු හමුදාපති මහේෂ් සේනානායක මහතා සම්බන්ධ ටෙන්ඩර් ගනුදෙනු පිළිබඳ විමර්ශන යළි ආරම්භ වී ඇති බව ආරංචිමාර්ග සඳහන් කරයි.
තිළිණ සුරංජිත් මහතා සම්බන්ධ දූෂිත ගනුදෙනු ගණනාවක් පිළිබඳ පසුගිය ආණ්ඩු සමයේදීම පැමිණිලි ලැබී තිබුණු අතර මුල් අවදියේදී එවකට ජනාධිපති මෛත්‍රීපාල සිරිසේන මහතා ද මේවා පිළිබඳ විමර්ශන සඳහා අනුබල ලබාදුන් නමුත් පසුව ඒවා යටගසන ලදී.
හිටපු ජනාධිපති මෛත්‍රීපාල සිරිසේන මහතාගේ පවුලේ සාමාජිකයකු වීමෙන් ලැබුණු බලය උපයෝගී කරගනිමින් දූෂිත ගනුදෙනු ගණනාවකට තිළිණ සුරංජිත් මහතා මැදිහත්ව තිබුණු අතර හිටපු ජනාධිපති කාර්ය මණ්ඩල ප්‍රධානියා සහ හිටපු දැව සංස්ථා සභාපතිවරයා සිර දඬුවම් ලැබූ අල්ලස් ගනුදෙනුවේ කෙළවරක පවා ඔහු සිටි බවට තොරතුරු එවකට වාර්තා වී තිබිණි.
එසේම හිටපු හමුදාපති මහේෂ් සේනානායක මහතා සමඟ ඉතාම සමීප සබඳතාවක් පවත්වාගෙන ගිය තිළිණ සුරංජිත් මහතා හමුදාවට සපත්තු සැපයීමේ කොන්ත්‍රාතුව ඇතුළු සැපයුම් කොන්ත්‍රාත්තු ගණනාවක්ම ඔහු හරහා වංචනික ලෙස ලබාගෙන ඇති බවට ද හෙළිවී ඇත.
ඒ අනුව මෙම දූෂිත ගනුදෙනු සම්බන්ධයෙන් අතරමඟ නැවතී පැවති විමර්ශන යළි ආරම්භ වී ඇති බවයි ආරංචිමාර්ග විඩිදුරටත්ස ඳහන් කරයි.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...