ආචාර්ය විජයදාස රාජපක්ෂ මහතා විසින් පසුගිය දිනෙක පාර්ලිමේන්තුවට ඉදිරිපත් කළ ව්‍යවස්ථා සංශෝධන ආණ්ඩුවේ ස්ථාවරය නොවන බව මේ වනවිට තහවුරු වී ඇත.
අගමැති මහින්ද රාජපක්ෂ මහතාගේ ප්‍රධානත්ව‌යෙන් අද (09) දින අරලිය ගහ මන්දිරයේදී පුවත්පත් කර්තෘවරුන් සමග පැවැති පළමු සාකච්ජාවේදී මේ බව අනාවරණය විය.
මෙහිදී පැමිණ සිටි කර්තෘවරුන් අගමැති මහින්ද රාජපක්ෂ මහතාගෙන් විජයදාස රාජපක්ෂ මහතා ඉදිරිපත් කළ ව්‍යවස්ථා සංශෝධන සම්බන්ධයෙන් කළ විමසීමේදී ඊට සහභාගීව සිටි අමාත්‍යවරුන් කියා සිටියේ ආණ්ඩුව තුළ එවැනි ස්ථාවරයක් නොමැති බවත්, කඩිමුඩියේ ව්‍යවස්ථා සංශෝධන ඉදිරිපත් කළ නොහැකි බවත්, ඒ සම්බන්ධයෙන් මහජනයා තුළ සංවාදයක් ඇති කොට තීන්දු තීරණ ගත යුතු බවත්ය.
19 වැනි ව්‍යවස්ථා සං‌ශෝධනයේ බලතල අහෝසි කරමින් රටේ ආරක්ෂාව, සේනාධිනායක සහ ආරක්ෂක අමාත්‍ය ධුරය ජනාධිපතිවරයා මත ස්ථාපිත කිරීම සහ ප්රධාන පක්ෂ කුඩා පක්ෂවල අතකොළුවක් වීම නවතාලීම සදහා පසුගිය කාලයේ පැවැති 12.5% ප්‍රතිශතය නැවත ස්ථාපිත කිරීම ඇතුළත් 21 හා 22වන සං‌ශෝධනයන් විජයදාස මහතා පාර්ලිමේන්තුවට ඉදිරිපත් කොට තිබිණ.
සබැඳි පෙර පුවත්
විජයදාස රාජපක්ෂ ව්‍යවස්ථා සංශෝධන ගෙන එමින් මේ අටවන්නේ උගුලක් – වෛද්‍ය වසන්ත බණ්ඩාර (Video)
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...