සුළු ජාතීන්ගේ නියෝජනයට හෝ සුළු ජාතීන්ට හානි වන ඕනෑම දෙයකට තම පක්ෂය විරුද්ධ වන බව ලංකා කම්කරු කෝන්ග්‍රසයේ නායක සහ ප්‍රජා සවිබල ගැන්වීම් සහ වතු යටිතල පහසුකම් සංවර්ධන අමාත්‍ය ආරුමුගම් තොණ්ඩමන් මහතා අද (09) කීය.
ජනාධිපති ගෝඨාභය රාජපක්ෂ මහතා ජනාධිපතිවරණ සමයේදී වතු ජනතාවට දුන් පොරොන්දු සියල්ල ඉටු කිරීමට සූදානමින් සිටින බවත් එළඹෙන තෛපොංගල් දිනයෙන් පසුව වතු ජනතාවට සුභ ආරංචි රැසක් ලැබෙනු ඇති බවත් අමාත්‍යවරයා කීය.
වතු ජනතාව දීර්ඝ කාලයක සිට අපේක්ෂාවෙන් සිටින රුපියල් 1000 ක වැටුපටද විසඳුමක් ඉක්මනින් ලැබෙනු ඇති බවත් අමාත්‍යවරයා කීය.
වතුකරය සඳහා වෙනම විශ්ව විද්‍යාලයක් ලබා ගැනීමත්, වතු ආශ්‍රීතව පවතින මත්පැන්හල් සියල්ල වෙනත් ස්ථානවලට ගෙන යාම, වතුකරයේ දරුවන් සඳහා ගණිතය, විද්‍යාව සහ ඉංග්‍රීසි විෂය සඳහා ගුරුවරුන්ගේ විශාල හිඟයක් පවතින බවත් ඒ සඳහා විසඳුමක් ලෙස විශ්‍රාමික ගුරුවරුන් කොන්ත්‍රාත් පදනම මත හෝ බඳවා ගැනීමට ඇති හැකියාව සොය බලන ලෙසත් අගමැති මහින්ද රාජපක්ෂ මහතාගෙන් ඉල්ලා තිබෙන බවත් ඇමැතිවරයා වැඩිදුරටත් පැවසීය.
වතුකරය තුළ කැලෑවී ඇති ඉඩම් හඳුනාගෙන එම ඉඩම් වතුකරයේ තරුණයින්ට වගා කිරීමට ලබාදෙන ලෙස රජයෙන් ඉල්ලා ඇති බවත් කීය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...