2019 වසරේදී රනිල් වික්‍රමසිංහ මහතාගේ නම පක්ෂ සම්මේලනයේදී ඉදිරි වසර 06 සඳහා සම්මත වී ඇති බැවින් 2025 වනතුරු එජාප නායකයා වන්නේ රනිල් වික්‍රමසිංහ මහතාම බව එජාප අභ්‍යන්තර ආරංචිමාර්ග සඳහන් කරයි.

2025ට පෙර රනිල් වික්‍රමසිංහ මහතා පක්ෂ නායකත්වයෙන් ඉවත් කිරීමට කිසිම සාධාරණ හේතුවක් නොමැති බවත් අදාළ ආරංචිමාර්ග පෙන්වා දේ.

රනිල් වික්‍රමසිංහ මහතා යම් යම් කාරණා සම්බන්ධයෙන් අසමත්කම් පෙන්නුවද, ඔහුට අභියෝග කළ හැකි නායකත්වයක් එජාපය තුළ වර්තමානයේදී දැකිය නොහැකි බවද පෙන්වා දෙයි.

රනිල් වික්‍රමසිංහ මහතාට නායකත්වය දැරීම සඳහා පක්ෂ ව්‍යවස්ථාවට අනුව කිසිදු නීතිමය බාධාවක් නොමැති බව එජාප නීතිඥ මණ්ඩලය විසින්ද පෙන්වා දී තිබේ.

මෙම පසුබිම තුළ රනිල් වික්‍රමසිංහ මහතා ඉල්ලා අස්නොවුණ හොත් 2025 වන තෙක්ම පක්ෂ නායකත්වය දැරීමට නියමිත බව ද අදාළ ආරංචිමාර්ග වැඩිදුරටත් කියා සිටී.