සැපයුම්දාම කළමනාකරණ විශේෂඥයෙකු වන ලසන්ත වික්‍රමසිංහ මහතා මිල්කෝ සමාගමේ නව සභාපතිවරයා ලෙසින් පත් කර තිබේ.

Haycarb පීඑල්සී හි නිෂ්පාදන සැලසුම් ඒකකයේ විධායකයෙකු ලෙස සිය වෘත්තීය ජීවිතය ආරම්භ කළ ඔහු ලොව ප්‍රමුඛ තොරතුරු තාක්ෂණ සමාගමක් වන IFS R&D International හි සැපයුම්දාම කළමනාකරණ හා බදු වාර්තාකරණ ප්‍රධානියෙකු ලෙසින් වසර 12කට අධික කාලයක් රටවල් කිහිපයකම සේවය කර ඇත.

කොළඹ විශ්වවිද්‍යාලයේ ගණිතය (විශේෂ) උපාධිධරයෙකු වන ඔහු තොරතුරු තාක්ෂණ හා නිෂ්පාදන කළමනාකරණ විද්‍යාපති උපාධි දෙකකට හිමිකම් කියනු ලබයි.

2015 වසරේ දී තොරතුරු තාක්ෂණ වෘත්තිකයන්ගේ සංගමයේ ලේකම්වරයා වශයෙන් පත් වූ ලසන්ත වික්‍රමසිංහ මහතා “යුතුකම සංවාද කවයේ” ආරම්භයේ පටන් එහි ලෙකම්වරයා වශයෙන් කටයුතු කරනු ලබයි.