චීනයේ වුහාන් ප්‍රාන්තයේ අධ්‍යාපන කටයුතු වල යෙදෙන ශ්‍රි ලාංකික සිසු සිසුවියන් 44 දෙනෙකුව හැකි ඉක්මණින් සම්බන්ධ කර ගන්නා ලෙස ශ්‍රි ලංකා විදේශ කටයුතු අමාත්‍යාංශය බීජිං හි පිහිටි ශ්‍රි ලංකා තානාපති කාර්යාලයට දැනුම් දී තිබේ. ඒ නව කොරෝනා වෛරසය පැතිරි යාමත් සමග චීනයේ වුහාන් නගරය සම්පුර්ණයෙන්ම වසා දැමිමට එරට බලධාරින් පියවර ගැනීමත් සමගය.
ඒ අනුව වුහාන් නගරයේ රැඳී සිටින ශ්‍රි ලාංකික සිසු සිසුවියන් 44 දෙනා ආරක්ෂා සහිතව තැබීමට අවශ්‍ය පියවර ගන්නා ලෙසද වුහාන් ප්‍රාන්ත රජයෙන් ලක් රජය ඉල්ලා සිටි බවයි විදේශ කටයුතු අමාත්‍ය දිනේෂ් ගුණවර්ධන ප්‍රකාශ කර සිටියේය.
වුහාන් ප්‍රාන්තයේ සිටින සියලුම ලාංකිකයින් ගේ තොරතුරු මේ වන විට බීජිං හි පිහිටි ශ්‍රි ලාංකික තානාපති කාර්යාලය රැස් කරගෙන ඇති අතර ඔවුන් සමග සම්බන්ධවි ඉදිරියේදී ගත යුතු ක්‍රියා මාර්ග ගැන දැනුවත් කිරීම කටයුතු අරඹා ඇති බවයි වාර්තාවේ.
මේ අතර චීනයේ ජිවත් වන සියලුම ශ්‍රි ලාංකිකයින්ට විදේශ කටයුතු අමාත්‍යාංශය විශේෂ දැනුම් දීමක් සිදුකර තිබෙනවා. ඒ පැතිරි යමින් තිබෙන නව කොරෝනා වෛරසය හේතුවෙන් ජනතාව බහුලව ගැවසෙන ස්ථානවල රැඳී නොසිටින ලෙසය. හැකි තරම් නිවෙස් තුල රැඳී සිටින ලෙසත් යම් අයුරකින් රෝගී තත්ත්වයක් ඇතිවුවහොත් වහාම සෞඛ්‍ය අංශ දැනුවත් කිරීමට පියවර ගන්නා ලෙසට උපදෙස් ලබාදී තිබේ.
චීනයේ සිටින කිසිදු ශ්‍රී ලාංකිකයෙකු සම්බන්ධයෙන් මේ දක්වා කිසිදු අසතුටුදායක පුවතක් වාර්තා වී නොමැති බවත් විදේශ කටයුතු අමාත්‍යාංශය සෑම විටම එහි පවතින තත්ත්වය පිලිබදව අවධානයෙන් පසුවන බව අමාත්‍ය දිනේෂ් ගුණවර්ධන ප්‍රකාශ කර සිටියේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...