විපක්ෂනායක සජිත් ප්‍රේමදාස මහතාගේ ප්‍රධානත්වයෙන් අද (26) දින කොළඹ ‘කන්වෙන්ෂන් හෝල්හි’ පැවැති පක්ෂයේ පළාත්පාලන මන්ත්‍රී හමුවට අතිවිශාල පිරිසක් සහභාගී වී ඇති බව වාර්තා වේ.
මෙහිදී ආසන 1500ක් පැනවීමට සංවිධායකයන් පියවර ගෙන තිබුණු අතර 3000කට අධික පිරිසක් සහභාගී වී ඇති බව පැවසේ.
පළාත් පාලන මන්ත්‍රීවරුන් 1352ක් සහභාගී වී ඇති අතර අපේක්ෂකයන් ලෙස තරග වැදුනු පුද්ගලයන්ද ඊට සහභාගී වි ඇති බව පැවසේ.
දැකගන්නට ලැබුණු විශේෂම සිදුවීම වූයේ ඊ‌යේ (25) දිනය පුරා සිරිකොත මන්දිරයේ සිට එජාප නායක රනිල් වික්‍රමසිංහ මහතාට හිතවත් කණ්ඩායමක් දුරකතන ඇමතුම් ලබා දෙමින් මෙම හමුවට සහභාගී නොවන ලෙසටත්, එසේ සහභාගී වුව‌හොත් විනය ක්‍රියාමාර්ග ගන්නා බවටත් තර්ජනාත්මක දුරකතන ඇමැතුම් ලබා දී තිබියදීත් මෙවැනි සහභාගීත්වයක් දැකගන්නට ලැබීමය.
එසේම සජිත් ප්‍රේමදාස මහතාගේ පාර්ශවයද ඊ‌යේ දින පළාත් පාලන මන්ත්‍රීවරුන්ට දුරකතන ඇමතුම් ලබා දී කිසිවකට බිය නොවී කොළඹට පැමිණෙන ලෙසට දැනුම් දීමක් කර තිබිණ.
ඒ අනුව අද පැවැති රැස්වීමට සජිත් ප්‍රේමදාස මහතා සමග පෙරමුණේ පක්ෂ නායකවරුන් වන පාඨලී චම්පික රණවකල මනෝ ගනේෂන් සහ පලනි දිගම්බරම් යන මහත්වරුන් සහභාගී වී තිබේ.
කෙසේවෙතත් මෙම රැස්වීමට රිෂාඩ් බදුර්දීන් මහතාට ආරාධනා කර නොමැති අතර රවුෆ් හකීම් මහතා කල්මුණේ ප්‍රදේශයේ රැස්වීමකට සහභාගී වී සිට ඇති බැවින් ඊට සහභාගී වීමට නොහැකි බව දැනුම් දී ඇති බවද දැනගන්නට ඇත.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...