RT වෙබ් අඩවිය තුළ ක්‍රියාත්මක ආර්ථික විශ්ලේෂණ කටයුතු සිදුකරන “කෙයිසර් රිපෝට්” නම් ආර්ථික විශ්ලේෂකයන්ට අනුව අමෙරිකාවේ ගුවන්යානා නිර්මානය කරන දැවැන්ත සමාගමක් වන බෝයිං සමාගම තවදුරටත් ඇවිදින මළමිනියක් බවට පත්වී තිබේ.

කෙයිසර්ගේ විශ්ලේෂණයට අනුව මේවන විට බොයිං සමාගම තම සමාගමේම කොටස් ඉතාම අඩු පොලියකට මිලදී ගෙන තිබේ.ලබාගන්නා අරමුදල් සමාගමේ උන්නතිය වෙනුවෙන් යොදවනවා වෙනුවට ඉතාම නින්දිත ලෙස වංචාකරනු දක්නට ලැබෙන බව මැක්ස් කෙයිසර්, කෙයිසර් රිපෝට් වෙත පවසා සිටී.”අනෙක් අතට බොයිං සමාගමේ විධායක නිළධාරීන් ෆෙඩරල් සංචිතයෙන් ලබාගන්නා අරමුදල් සෘජුවම තම පොකට්ටුවට දමා ගන්නවා”යැයි මැක්ස් කෙයිසර් පවසයි.

තවදුරටත් අදහස් දක්වමින් ඔහු පවසා සිටින්නේ” බොයිං සමාගම තව දුරටත් සජීවී සමාගමක් නොවෙයි,සමාගමට 0% අනුපාතයට ණය ලැබුනත් එය යථාතත්වයට පත් කළ නොහැකි කුණු කූඩයට වැටුනු සමාගමක්.බොයිං සමාගම වැඩකට නැති සම්පූර්ණයෙන්ම බුන්වත් වුනු සමාගමක්” ලෙසයි. “කෙයිසර් රිපෝට්” විශ්ලේෂණයට අනුව S & P 500 දර්ශකයේ මෙවැනි ඇවිදින මළමිනී බවට පත්වූ සමාගම් බොහෝ ගණනක් තිබේ.

ජීවන්ත ජයතිස්ස
jeewanthaj@gmail.com