ගෝඨාභය රාජපක්‍ෂ මහතා ජනාධිපති කිරීමේ සටනට සම්බන්ධ වූ පිරිසක් ශ්‍රී ලංකා නිදහස් පක්‍ෂය විවේචනය කිරීමට කටයුතු කරමින් සිටින බවත්, ඒ හරහා ජනාධිපති ගෝඨාභය රාජපක්‍ෂ මහතා වටේ සිටින ජනතාවගෙන් කොටසක් අහිමිවෙමින් තිබෙන බව ශ්‍රී ලංකා නිදහස් පක්‍ෂය සඳහන් කරයි.
ගෝඨාභය රාජපක්‍ෂ මහතා වටේ එක්සත් ජාතික පාක්ෂිකයින් විශාල පිරිසක් එකතුවෙමින් සිටි බවත්, මෙම කණ්ඩායම සිදුකරන කටයුතු නිසා එලෙස එකතුවන පිරිස් පවා කළකිරීමකට ලක්වන බවද එම පක්‍ෂයේ මාධ්‍ය ප්‍රකාශක වීරකුමාර දිසානායක මහතා සඳහන් කළේය.
බල්ලෝ බිරූ පමණින් කඳුපාත් නොවන බවත්, එහෙත් ඉදිරි මැතිවරණයේදී ජනාධිපති ගෝඨාභය රාජපක්‍ෂ මහතාගේ ජයග්‍රහණයට මෙම විවේචන බාධාවක් වන බවද කියා සිටියේය.
කිසිවෙකුටත් ශ්‍රී ලංකා නිදහස් පක්‍ෂය අධිතක්සේරු කළ නොහැකි බවත්, ජනාධිපති ගෝඨාභය රාජපක්‍ෂ මහතාගේ ජයග්‍රහණයෙන් පසු රට තුළ සිටිය හැක්කේ කඳවුරු දෙකක් බවත්, එනම් ගෝඨාභය රාජපක්‍ෂ මහතාට පක්‍ෂ කඳවුර හා ගෝඨාභය රාජපක්‍ෂ මහතාට විරුද්ධ කඳවුර පමණක් බවද සඳහන් කළේය.
එහෙත් දේශපාලනය නොතේරෙන කීපදෙනෙකු කරන මෙම වැඩ නිසා කඳවුරු කිහිපයක් ඇති වී සජිත් ප්‍රේමදාස අගමැති කළ යුතු බවට මතයක් ඇතිවී තිබෙන බවත්, එහෙත් අගමැති විය යුත්තේ මහින්ද රාජපක්‍ෂ මහතා බවත් අද (29දා) පැවැති මාධ්‍ය සාකච්ඡාවකදී සඳහන් කළේය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...