එජාප නායක රනිල් වික්‍රමසිංහ මහතා හා නි‌යෝජ්‍ය නායක සජිත් ප්‍රේමදාස යන මහත්වරුන් අතර අද (29) සවස පැවැති සාකච්ජාව සාර්ථක වනු ඇති බව පක්ෂයේ බොහෝ දෙනා සිතා සිටියද එම සාකච්ජාවද විසදුමකින් තොරව අසාර්ථක වී ඇති බව වාර්තා වේ.
මීට පෙර දෙපාර්ශ්වයේ නියෝජිතයන් අතර පැවැති සාකච්ජාවලදී නව සන්ධානයේ නායකත්වය, එහි ලේකම් ධූරය සහ නාමයෝජනා මණ්ඩලයේ බහුතර බලය ප්‍රේමදාස මහතාගේ පාර්ශ්වයට ලබා දීමට වික්‍රමසිංහ මහතා එකගතාව පළ කර තිබුණද අද සාකච්ජාවේදී ඉන් යෝජනා 2කට වික්‍රමසිංහ මහතා විරෝධය පළ කර ඇති බව පැවසේ.
ඒ අනුව වික්‍රමසිංහ මහතා එකග වී ඇත්තේ නව සන්ධානයේ නායකත්වය සජිත් ප්‍රේමදාස මහතාට ලබා දීමට පමණි.
මීට අමතරව වික්‍රමසිංහ මහතා සදහන් කොට ඇත්තේ තමන් ඉදිරි මහමැතිවරණයේදී කොළඹ දිස්ත්‍රික්කයෙන් යළිි තරග වැදීමටද තීන්දු කොට ඇති බවකි.
එහිදී ප්‍රේමදාස මහතා, එසේ නම් අගමැති අපේක්ෂකත්වයද ගෙන මැතිවරණ ව්‍යාපාරය සිදුකරන ලෙස වික්‍රමසිංහ මහතාට දැනුම් දී තිබේ.
කෙසේවෙතත් හෙට (30) දිනයේ පක්ෂයේ කෘත්‍යාධිකාරී මණ්ඩල රැස්වීමක් පැවැත්වෙන බවත්, මෙම යෝජනා ඊට ඉදිරිපත් කොට සම්මත කර ගත යුතු බවත් වික්‍රමසිංහ මහතා ප්‍රකාශ කොට තිබේ.
නමුත් එහිදී ප්‍රේමදාස මහතා සදහන් කොට ඇත්තේ තමන් එකග වූ යෝජනාව කෘත්‍යාධිකාරී මණ්ඩලයට ඉදිරිපත් නොකළහොත් එය පිළිගැනීමට තමන් කටයුතු නොකරන බවකි.
කෙසේවෙතත් මෙම කෘත්‍යාධිකාරී මණ්ඩල රැස්වීමට මන්ත්‍රී කණ්ඩායම කැදවීමට වික්‍රමසිංහ මහතා පියවර ගෙන නොමැති බවක්ද දැනගන්නට ඇත.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...