ශ්රී ලංකා නිදහස් පක්ෂය සහ ශ්රී ලංකා පොදුජන පෙරමුණ අතර බිහිකෙරෙන නව සන්ධානයේ නාමයෝජනාවලින් 30%ක ප්‍රමාණයක් ලබාදෙන ලෙස ශ්‍රීලනිපය කරන ඉල්ලීම දැඩි අසාධාරණ එකක් බව ශ්රී ලංකා පොදුජන පෙරමුණේ මහාචාර්ය චන්න ජයසුමන මහතා පවසයි.
දැනට ශ්රී ලංකා නිදහස් පක්ෂය නියෝජනය කරන පාර්ලිමේන්තු මන්ත්‍රීවරුන් සහ තවත් පුද්ගලයන් 10 දෙනෙකුට පමණ නාමයෝජනා ලබාදීම සාධාරණ බව ඔහු සඳහන් කළේ අනුරාධපුර (03) ඊයේ පැවති මාධ්‍ය හමුවකට එක්වෙමිනි.
දැනට ශ්රී ලංකා පොදුජන පෙරමුණ ප්‍රමුඛ බලකඳවුර තුල ශ්රී ලංකා නිදහස් පක්ෂය නියෝජනය කරන්නේ 10% ක උපරිම චන්ද ප්‍රමාණයක් බව ද ඔහු සඳහන් කළේය.
එය කිසිසේත්ම ඊට වැඩි වන්නේ නැති බව ද පැවසූ ඔහු එම නිසා 30%ක අපේක්ෂකයන් ඉල්ලා සිටීම කිසිසේත්ම සාධාරණ නොවන බව ද කියා සිටියේ.
මේ පිළිබඳව අප කළ විමසීමකදී ශ්රී ලංකා නිදහස් පක්ෂ මන්ත්‍රීවරයෙකු සඳහන් කර සිටියේ කවුරුන් විසින් මොන ප්‍රකාශ සිදු කළත් ජනාධිපතිවරණයට පෙර ගෝඨාභය රාජපක්ෂ මහතා සමග ශ්රී ලංකා නිදහස් පක්ෂය සහ පොදුජන පෙරමුණ ගිවිසුම් ගතව පැමිණි එකඟතාවයන් කඩ නොකරනු ඇති බවට විශ්වාස කරන බවය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...