මේ තනතුර සදහා වඩාත්ම සුදුස්සා වන්නේ ගෝඨාභය රාජපක්ෂ මහතාගේ තේරීම වන සංගීත අධ්‍යක්ෂවරයකු හා ගායන ශිල්පියකු වන ජගත් වික්‍රමසිංහ මහතායි. ඊට හේතුව ඔහු මේ විෂය ප්‍රමාණිකයෙක් සහ ඔහු ආ ගමනේ දී ගුවන් විදුලි සංස්ථාව වැනි ආයතනයක අතීත උරුමයක් ඔහුට තිබීමයි. අනික ඔහුගේ ක්ෂේත්‍රයටම ගැළපෙන තනතුරක් වීමයි. ජගත් සංගීතඥයෙක් වුවද ඊට එහා ගිය වෙනත් ක්ෂේත්‍ර ගැන වුවද ප්‍රමාණික අවබෝධයක් හා නැවුම් අදහස් වලින් යුක්ත පුද්ගලයෙක් බව ඔහු ඇසුරු කළ ඕනෑම කෙනෙක් දන්නා දෙයක්. එහෙම කිවේ මීට වැඩි තනතුරකට වුවත් ඔහු සුදුස්සෙක්. තනතුරු නැතුව වුවද රජයේ සම්පත් ආරක්ෂා කරන ඒ පිළිබඳ හැගීමක්, අරපිරිමැස්මක් ඇතිව කටයුතු කරන පුද්ගලයෙකි. වඩා වැදගත්ම දේ බොහෝ රාජ්‍ය ආයතනවලට පත්කොට ඇති දාර්ශනික දුගියන්ට වඩා ජගත් රටට ආදරේ පොහොසත් චින්තනයක් ඇති පුද්ගලයෙක්. එවැන්නෙකුගෙන් ප්‍රයෝජනයක් නොගන්නවා කියන්නේ ගෝඨාභය රාජපක්ෂ මහතාගේ රාජ්‍ය පාලනයෙන් ජනතාව අපේක්ෂා කළ වෙනස අපතේ යැවීමක්. එනිසා ඔහුව මේ තනතුර හෝ ඊට වැඩි යමකට පත්කරන මෙන් අපි ඉතා ඕනෑකමින් ඉල්ලමු.

ගනේගල මහතා ‘සැරදේ මහින්ද‘ ආදී ප්‍රශස්ති පොත් ලියා මහින්ද රාජපක්ෂ සමයේ ජනමාධ්‍ය හා ප්‍රවෘත්ති අමාත්‍යංශයේ ලේකම් ධුරයද, ලංකා විදුලිබල මණ්ඩලයේ සභාපති ධුරය ආදී ඉහළ තනතුරු දැරූවෙකි. පසුව ඔහු යහපාලන රජය යටතේද විදුලිබල මණ්ඩලයේ වැඩබලන සභාපති ලෙස පත්විය. ඒ හිටපු සභාපති අනුර විජේපාල 2017 අප්‍රේල් 26 ඉල්ලා අස්වූ විට ඒ පුරප්පාඩුව සදහා යහපාලන ආණ්ඩුව පත්කළේ ගනේගල මහතායි. රූමත් ළඳුන් හමුවේ උණුවෙන හදවතක් ඇත්තෙකු ලෙස ප්‍රකට ගනේගල මහතා ගුවන්විදුලි සංස්ථාවේ සභාපති කිරීමෙන් විය හැකි අන්තරාව ද තේරුම් ගෙන ජගත් වික්‍රමසිංහ වැනි බෞද්ධ සංස්කෘතික විඥානයෙන් ශික්ෂණය වූ යහපත් චරිතයක් එහි මුල් පුටුවට පත්කොට ගුවන්විදුලියේ හා එහි සේවකයන්ගේ ගෞරවය ආරක්ෂා කරදෙන මෙන් Gotabaya Rajapaksa මහතාගෙන් ඉල්ලමු.
.
පූජ්‍ය රත්තනදෙණියේ මේධානන්ද හිමි.