අද (10) පැවැති එක්සත් ජාතික පක්ෂයේ කෘත්‍යාධිකාරී මණ්ඩල රැස්වීම දැඩි උණුසුම්කාරී මුහුණුවරක් ගෙන ඇති බවත්, රැස්වීම අතරමැදදී විපක්ෂ නායක සජිත් ප්‍රේමදාස මහතා ඇතුළු ඔහුගේ කණ්ඩායම රැස්වීමෙන් ඉවත්ව ගොස් ඇති බවත් දැනගන්නට ඇත.
මෙහිදී පක්ෂ නායක රනිල් වික්‍රමසිංහ මහතාගේ ප්‍රධානත්වයෙන් රැස්වීම ආරම්භ වී ඇති අතර ඊට ඉකුත් වතාවේ කෘත්‍යාධිකාරී මණ්ඩල රැස්වීම වර්ජානය කළ සජිත් ප්‍රේමදාස මහතා ඇතුළු එම කණ්ඩායමද සහභාගී වීමට පියවර ගෙන තිබිණ.
ඒ අනුව නව සන්ධානයක් සෑදීම සහ හි මහලේකම් ධූරයට රංජිත් මද්දුමබණ්ඩාර මහතා පත් කිරීම ගැටලුවක් නොවන බව ප්‍රකාශ කොට ඇති වික්‍රමසිංහ මහතා එසේ වුවත් අලියා ලකුණ එම සන්ධානයේ සලකුණ විය යුතු බවද ප්‍රකාශ කොට තිබේ.
එහිදී වික්‍රමසිංහ මහතාට පක්ෂ පිරිස්ද එම මතය දරමින් අදහස් ප්‍රකාශ කොට ඇත.
නමුත් මෙහිදී සජිත් ප්‍රේමදාස මහතා දීර්ඝ කතාවක් කරමින් පෙන්වා දී ඇත්තේ කාටත් වඩා තමන්ට අලියා ලකුණ වටිනා බවත්, තම පියාණන් මියගියේද අලියා ලකුණ යටතේ පැවති පක්ෂය යටතේ බවත්ය. නමුත් දේශපාලන පක්ෂ රැසක් එක්ව බිහිකරන නව සන්ධානයේ ලකුණ අලුත් ලකුණක් විය යුතු බවත්, සියලු දෙනාම එකග විය හැකි නව ලකුණක් ඊට යොදා ගත යුතු බවත් ප්‍රේමදාස මහතා පෙන්වා දීී තිබේ.
නමුත් ඊට විරෝධය පළකරමින් වික්‍රමසිංහ පාර්ශ්වය දිගින් දිගටම කරුණු දැක්වීමට යාමත් සමග රැස්වීම අතරමගදී ප්‍රේමදාස මහතා ඇතුලු එම කණ්ඩායම රැස්වීමෙන් ඉවත් වීමට කටයුතු කොට ඇත.
එහිදී ප්‍රේමදාස මහතා ප්‍රකාශ කොට ඇත්තේ එසේ නම් අලියා ලකුණින් තරග කිරීමට පියවර ගන්නා ලෙසත්, තමන් ආරම්භ කළ ගමන ඉදිරියට යාමට කටයුතු කරන බවත්ය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...