පසුගිය යහපාලන රජය සමයේ සිදු කර ඇති බව කියන මහා පරිමාණ වංචා, අයථා ඉඩම් ගනුදෙනු ඇතුළු බරපතළ මූල්‍ය අක‍්‍රමිකතා රැසක් සම්බන්ධයෙන් හිටපු ඇමැති රිෂාඞ් බදුර්දීන් මහතා ළඟදීම අපරාධ පරීක්ෂණ දෙපාර්තමේන්තුව (සී. අයි. ඞී.) භාරයට ගෙන ප‍්‍රශ්න කිරීමට කටයුතු කරන බව පොලිස් මූලස්ථාන ආරංචි මාර්ග පවසයි.
හිටපු ඇමැති රිෂාඞ් බදුර්දීන් මහතා පසුගිය රජය සමයේ සිදු කර ඇති බව කියන මූල්‍ය අක‍්‍රමිකතා, වංචා දූෂණ, අයථා ඉඩම් ගනුදෙනු රැුසකට අදාළ ලිපි ගොනු විශාල ප‍්‍රමාණයක් මේ වනවිට අපරාධ පරීක්ෂණ දෙපාර්තමේන්තුව භාරයට ගෙන තිබේ.
මෙම ලිපි ගොනුවලට අදාළ තොරතුරු ලබා ගත් වහාම මේ සම්බන්ධයෙන් හිටපු ඇමැති රිෂාඞ් බදුර්දීන් මහතා අපරාධ පරීක්ෂණ දෙපාර්තමේන්තුව භාරයට ගෙන ප‍්‍රශ්න කිරීම් ආරම්භ කරන බව ද පොලිස් මූලස්ථානය පවසයි.
රිෂාඞ් බදුර්දීන් මහතා පසුගිය රජය සමයේ වාණිජ හා පාරිභෝගික කටයුතු ඇමැතිවරයා ලෙස කටයුතු කරද්දී සතොස හරහා සිදුකළ රුපියල් කෝටි ප‍්‍රකෝටි ගණනින් වූ මුදල් වංචා රැුසක් පිළිබඳ තොරතුරු මේ වනවිට අනාවරණය වී ඇති බව පොලිස් ආරංචි මාර්ග පවසයි.
සතොසට සහල් මිලදී ගැනීමේදී සහ ජෙනරේටර් විශාල ප‍්‍රමාණයක් මිලට ගැනීමේදී සිදුවී ඇති බව කියන මහා පරිමාණ වංචා රැුසකට අදාළ ලිපි ලේඛන 67 ක් අපරාධ පරීක්ෂණ දෙපාර්තමේන්තුවේ නිලධාරීන් විසින් රිෂාඞ් බදුර්දීන් මහතාට අයත් කොළඹ පිහිටි නිවසේ සඟවා තිබියදී සොයා ගෙන තිබිණි.
ඊට අමතරව මෙම නිවසේ තිබී රටේ විවිධ ප‍්‍රදේශවල පිහිටි ඉඩම් රාශියකට අයත් ඔප්පු තොගයක් ද අපරාධ පරීක්ෂණ දෙපාර්තමේන්තු භාරයට ගෙන ඇත. මෙම ඉඩම් වැඩි ප‍්‍රමාණයක් වෙනත් පුද්ගලයන්ගේ නම් පාවිච්චි කරමින් ඉතාම අඩු මිල ගණන්වලට මිලදී ගෙන ඇත්තේ තම දේශපාලන බලය පාවිච්චි කරමින් බවත් මේ වනවිට අනාවරණය වී තිබේ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...