ජනාධිපතිවරණයේදී කි‍්‍රයා කළ ආකාරයට තනි සිංහල ආණ්ඩුවක් පත් කිරීමට ඉදිරි මහ මැතිවරණයේදී ජනතාව කටයුතු කළ යුතු යැයි බොදු බල සේනා සංවිධානයේ මහලේකම් රාජකීය පණ්ඩිත ගලගොඩඅත්තේ ඥානසාර හිමියෝ ඊයේ (12 දා) සඳහන් කළහ.
රට පුරා ස්ථානගත වී ඇති අන්තවාදී අංකුර තවමත් දළු ලා වැඩෙමින් ඇති බවත්, මේ තත්ත්වය තේරුම් ගෙන එය මැඩලීමට කටයුතු කරන ආණ්ඩුවක් රටට අවශ්‍යව ඇති බවත් උන්වහන්සේ පැවසූහ.
ගෝඨාභය රාජපක්ෂ ආණ්ඩුව බලයට පැමිණිය ද අන්තවාදය පෝෂණය කරන්නන් තවමත් නිදැල්ලේ කටයුතු කරමින් ඇතැයි සඳහන් කළ ඥානසාර හිමියෝ මොවුන් මර්දනය කිරීම සඳහා රජය කඩිනම් වැඩපිළිවෙළක් ආරම්භ කළ යුතු යැයි ද කියා සිටියහ.
මහ මැතිවරණයේ අපේක්ෂකත්වය ලබා දීමේදී දේශපාලනඥයින්ට ප‍්‍රමුඛතාව ලබා දී වියතුන් යම් ප‍්‍රමාණයකට පමණක් අපේක්ෂකත්වය ලබා දීමට කටයුතු කළ යුතු යැයි ද ඥානසාර හිමියෝ පැවසූහ.
රාජ්‍ය පාලනයේදී වියතුන්ගේ දායකත්වය ලබා ගැනීමට බුද්ධි මණ්ඩලයක් පත් කර ඒ තුළින් ඔවුන්ගේ දායකත්වය ලබාගැනීම උචිත බව ද ඥානසාර හිමියෝ වැඩිදුරටත් කියා සිටියහ.
බොදුබල සේනා සංවිධානයේ මහලේකම් රාජකීය පණ්ඩිත පූජ්‍ය ගලගොඩඅත්තේ ඥානසාර හිමියන් ඊයේ මෙම අදහස් පළ කළේ නාවල පාරේ පිහිටි ශ්රී සද්ධර්ම රාජික විහාරස්ථානයේ පැවැති මාධ්‍ය හමුවකදීය.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්රී ලාංකිකයන් 4 දෙනා නැවතත් ශ්රී ලංකාවට එවීමට...