සජිත් ප්‍රේමදාස මහතා ඉදිරි මහ මැතිවරණයේදී කුරුණෑගල දිස්ත්‍රික්කයෙන් තරග කිරීම සම්බන්ධයෙන් සාකච්ඡා පවත්වා ඇති බව වාර්තා වනවා.
කුරුණෑගල දිස්ත්‍රික්කයෙන් තරගවැදීමට සූදානම් වන්නැයි තමා විපක්‍ෂ නායක සජිත් ප්‍රේමදාසට ආරාධනා කළ බව එජාප කුරුණෑගල දිස්ත්‍රික් පාර්ලිමේන්තු මන්ත්‍රි අශෝක් අබේසිංහ මහතා ද සඳහන් කර තිබෙනවා.
තම ආරාධනය සලකා බලන බව සජිත් ප්‍රේමදාස මන්ත්‍රිවරයා එහිදී ප්‍රකාශ කළ බවද අබේසිංහ මහතා සඳහන් කළා.
ආර්. ප්‍රේමදාස හිටපු ජනාධිපතිවරයාගේ ගම් උදාව ව්‍යාපෘතිය යටතේ මුලින්ම ස්ථාපිත කළේ කුරුණෑගල දිස්ත්‍රික්කයේ ‘උදාගම’ ව්‍යාපෘතිය බවත්, එම කාරණයද මීට බලපෑ බව මන්ත්‍රිවරයා පෙන්වා දෙනවා.
සියලු කරුණු කාරණ සලකා බලා සජිත් ප්‍රේමදාස මහතාට තම දිස්ත්‍රික්කයේ තරග වැදී ඉහළින්ම ජයග්‍රහණය කරවීමට අවශ්‍ය සියලු සහාය දෙන බවද හෙතෙම වැඩිදුරටත් කියා සිටියා.
මේ අතර පාර්ලිමේන්තු මන්ත්‍රී තුෂාර ඉඳුනිල් මහතා ද ඊයේ (19) පැවති මාධ්‍ය හමුවක දී සඳහන් කළේ සජිත් ප්‍රේමදාස මහතාට කුරුණෑගලින් තරග කිරීම සඳහා තමන් මන්ත්‍රී ආසනය වුවද පරිත්‍යාග කිරීමට සුදානම් බවයි.
2015 මහ මැතිවරණයේදී කුරුණෑගල දිස්ත්‍රික්කයෙන් මහ මැතිවරණයට ඉදිරිපත් වූ අග්‍රාමාත්‍ය මහින්ද රාජපක්ෂ මහතාද මෙවරත් එම දිස්ත්‍රික්කයෙන්ම තරග වදින බවට පැවසේ.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...