අමෙරිකා එක්සත් ජනපදයේ රෝග පාලනය සහ නිවාරනය කිරීමේ මධ්‍යස්ථානය Centers for Disease Control and Prevention (CDC).

පවසා සිටින්නේ නව කොරෝනා වෛරසය හෙවත්  COVID-19  වෛරසය අමෙරිකාවේ පැතිරීමේ අවධානමක් උද්ගතව ඇති බවයි. එසේම එම මධ්‍යස්ථානයේ ගනන් බැලීමට අනුව අමෙරිකානු සෞඛ්‍ය අංශ මෙතෙක් ගෙන ඇති රෝගය නිවාරනය කිරීමේ ක්‍රියාමාර්ග වලින් රෝගය නිවාරනය කිරීමක් සිදු වී නැති අතර පැතිරීම යම් පමණකට පාලනය   කිරීමට පමණක්    සමත්ව ඇති බවයි. ඔවුන් වැඩිදුරටත් පවසා සිටින්නේ අමෙරිකානු සමාජය රෝගය පාලනය කිරීමට සූදානම් වීමට තව කාලයක් ගත වනු බවයි.

අමෙරිකා එක්සත් ජනපදයේ රෝග පාලනය සහ නිවාරනය කිරීමේ මධ්‍යස්ථානය තවදුරටත් ඊයේ(21) පැවති මාධ්‍යය සාකච්ඡාවේදී අනාවරණය කර සිටියේ කොරෝනා වෛරසය ආසාදිත යැයි තහවුරු වූ රෝගීන්  13ක් මේවන විට අමෙරිකානු භූමිය තුළ හමුවී ඇති බවත් නව රෝගීන් 21ක් සම්බන්ධයෙන් වෛද්‍ය පරීක්ෂණ සිදුකරන බවත්ය. අමෙරිකානු රජය විසින් විශේෂ ගුවන්යානා මගින් වෙනත් රටවලින් ගෙන්වාගත් මගීන් තවමත් නිරෝධායන කාලය ගත කරන අතර ඔවුන් අතරද ආසාදිතයන් සිටිය හැකි බව අපේක්ෂා කරන බව මධ්‍යයස්ථානය අපේක්ෂා කරන බවද අනාවරණය කළේය.