30/1 , 34/1 හෝ 40/1 හෝ කුමන යෝජනාවකින් ඉවත් වුවත් සම්මත වී ඇති යෝජනාව අහෝසි වන්නේ නැහැ. සම්මත වූ යෝජනාවක් අහෝසි කිරීමට සෙසු සාමාජික රටවල් එකඟ විය යුතුය. ආණ්ඩුවේ යෝජනාව අගය කරන නමුත් ඒ මඟින් උවමනා දේ සිදු නොවන බව වෛද‍්‍ය වසන්ත බණ්ඩාර මහතා පවසයි. ඒ මහතා ඊට අදාළව දීර්ඝ විස්තරාත්මක පැහැදිළි කිරීමක් ජාතික පුවත්පත් වලට සපයා ඇත.

අප ඉහත සඳහන් කළේ ඔහුගේ මතයයි. ඊට පෙර ගෝලීය ශ්‍රී ලාංකික සංසදයද තම මතය ප්‍රකාශ කොට ඇත. ඒ පිළිබඳව තවදුරටත් අදහස් දක්වන වසන්ත බණ්ඩාර මහතා සඳහන් කරන්නේ සියල්ලට පෙර චෝදනා වලට පිළිතුරු බැඳ චෝදනා නිෂ්ප්‍රභා කළ යුතු බවය. ඔහුට අනුව ඒ මූලික දේ සිදු නොකර සෙසු රටවල ණය ඉල්ලීම  තර්කානුකූල නොවන අතර එසේ පිළිතුරු බැඳීමකින් තොරව ඒක පාර්ශිකව එම අනුග්‍රහකත්වයෙන් ඉවත් වීම හිතුවක්කාර තීන්දුවක් ලෙස අර්ථ දැක්විය හැක.