හෙට (07) දින සවස 3.00ට නුගේගොඩදී පැවැත්වීමට නියමිතව තිබු ආණ්ඩුවට එරෙහි ජනරැළිය අවලංගු කිරීමට ඒකාබද්ධ විපක්ෂය තීරණය කරයි. මීට ස්වල්ප වේලාවකට පෙර පාර්ලිමේන්තු සංකිර්ණයේ පැවති ඒකාබද්ධ විපක්ෂයේ පාර්ලිමේන්තු මන්ත්‍රි කණ්ඩායම් රැස්වීමේදී මෙම තීරණය ගෙන ඇත.

මහනුවර දිගන ඇතිවූ සිද්ධි වලින් පසුව රටේ පවතින වාතාවරණය ගැන සොයාබලා මෙම තීරණය ගත්බව නුගේගොඩ ජනරැළියේ සමසංවිධායක ඒකාබද්ධ විපක්ෂයේ කළුතර දිස්ත්‍රික් පාර්ලිමේන්තු මන්ත්‍රි රෝහිත අබේගුණවර්ධන මහතා පවසයි.

මේ මොහොතේ ජාතිවාදී ගැටුම් ඇතිකර ආණ්ඩුව යම් යම් වාසි ලබාගැනීමට උත්සාහයක් ගනිමින් සිටින බවද රෝහිත අබේගුණවර්ධන මහතා පවසයි.
නුගේගොඩ රැළිය ඉදිරියේදී පවත්වන බවත් එම දිනය පසුව දැනුම්දෙන බවත් රෝහිත අබේගුණවර්ධන මහතා පැවසීය.