COVID-19 හෙවත් නව කොරෝනා වෛරසය ආසාදනයෙන් ඉතාලියේ සිදුවූ මරණ වලට ඊයේ(29) අලුතින් තවත් මරණ 8ක් එකතු වීමත් සමඟම එම වෛරසය ආසාදනයෙන් සිදුවූ මරණ සංඛ්‍යාව 29 දක්වා ඉහළ ගොස් ඇතැයි ඉතාලි මාධ්‍යය වාර්තා පෙන්වා දෙයි.තවදුරටත් ඉතාලි රජයේ සෞඛ්‍යය අංශ උපුටා දක්වන ඉතාලි මාධ්‍ය පෙන්වා දෙන්නේ පෙබරවාරි 28 දින වන විට කොරෝනා වෛරසය ආසාදිත නව රෝගීන් 239 දෙනෙකු හමුවූ බවත් ඒ අනුව ඉතාලියේදී වෛරස ආසාදිතයින් සමස්තය 1128 දක්වා ඉහළ නැග ඇති බවයි.

යුරෝපයේ ඉහළම COVID-19 රෝගීන් ප්‍රමානය වාර්තා වූ රට බවට ඉතාලිය පත්ව තිබෙන අතර රටවල් 48ක වෛරසය ආසාදිත රෝගීන් 80,000ක් මේ වන විට වාර්තා වී ඇති අතර 3000කට ආසන්න රෝගීන් සංඛ්‍යාවක් මේ වන විට මිය ගොස් ඇත.
ලෝකයේ තවත් රටවලින් රෝගීන් 4000කට ආසන්න සංඛ්‍යාවක් හමුවී ඇති අතර මරණ 70ක් වාර්තා වී තිබේ.

ජීවන්ත ජයතිස්ස
jeewanthaj@gmail.com