හිටපු මුදල් අමාත්‍ය රවී කරුණානායක ඇතුළු 12දෙනෙකු අත්අඩංගුවට ගැනීමට වරේන්තු නිකුත් කරනවාද නැද්ද යන්න පිළිබඳ තීරණය මාර්තු 06වනදාට ලබා දෙන බව කොටුව මහේස්ත්‍රාත් අධිකරණ නියෝගය කර ඇත.

එමෙන්ම එම දොළොස් දෙනාට විදෙස් ගමන් තහනමක්ද පනවා තිබේ.

හිටපු මුදල් අමාත්‍ය රවී කරුණානායක , හිටපු මහ බැංකු අධිපති අර්ජුන මහේන්ද්‍රන් , අර්ජුන් ඇලෝෂියස් ඇතුළු 12 දෙනෙකු අත්අඩංගුවට ගැනීම සඳහා නොපමාව වරෙන්තු ලබාගන්නැයි නීතිපතිවරයා වැඩබලන පොලිස්පතිවරයාට ඊයේ (03) පස්වරුවේ දැනුම් දුන්නේය.

ඒ 2016 වසරේ මාර්තු මස බැඳුම්කර ගනුදෙනුවලදී සිදුවූ අක්‍රමිකතාවලට අදාළව ඉදිරිපත්ව ඇති කුමන්ත්‍රණය කිරීම, අනුබල දීම, සාවද්‍ය පරිහරණය සහ තමන්ට වාසිදායක වන පරිදි වෙළඳපොල මිල කෘත්‍රිමව ඉහළ දැමීම යන චෝදනා මතයි.