හැඳල ලාදුරු රෝහල කොරෝනා වෛරස ආසාදිත රෝගීන් සඳහා නිරෝධායන මධ්‍යස්ථානයක් ලෙස භාවිතා කිරීමට එරෙහිව ප්‍රදේශවාසීන් ගෙනයන අමානුෂික විරෝධතාවයට මානුෂීය ආදර්ශයක් සපයමින් සැබෑ බුද්ධපුත්‍රයෙකු සතු දානශීලිත්වය ප්‍රදර්ශනය කරමින් තමන් වහන්සේ වැඩවසන විහාරයේ ගොඩනැගිල්ලෙන් කොටසක් කොරෝනා ආසාදිත රෝගීන්ගේ ප්‍රයෝජනය පිණිස ලබා දීමට කටයුතු කර ඇති බව වාර්තා වේ. ඒ සම්බන්ධයෙන් සිංහලේ සංවිධානයේ ජාතික සංවිධායක ප්‍රදීප් සංජිව මහතා පහත පලවෙන නිවේදනය නිකුත් කර ඇත.
“ යො මං උපට්ඨහෙය්‍ය සො ගිලානං උපට්ඨහෙය්‍ය …”
ඉතාලිය කොරියාව වැනි රටවල අප වෙනුවෙන් නොයෙකුත් දික් කම් කටලු විදිමින් , අනෙක විධ දුක්ගැහැට වලට ලක්වෙමින් පසුගිය දශක කිහිපයේම ශ්‍රී ලාංකික ආර්ථිකයට උපරිම සේවයක් සිදු කරන ලද්දේ අපගේ රට විරුවන්ය . මේ වනවිට ජාතියක් ලෙස කොරෝනා වයිරසය හේතුවෙන් ඔවුන් අසරණතාවයට පත්ව ඇත .
ඇත්ත වශයෙන්ම ඒ අසරනවන්නේ ඔවුන්ගේ ජිවිතමද රටක් ලෙස රට විරුවන් අප වෙනුවෙන් කරනා කල සේවය අමතක කිරීමට තරම් අප ගුනමකුවිම පිලිබදව ලැජ්ජාවට පත්විය යුතුය .
මේ වනවිට රටවිරුවන් ලංකාවට ගෙන්වාගෙන නිරෝධායනය කිරීම සදහා තාවකාලිකව රදවා ගැනීමට ස්ථානයක් නොමැතිකම හා එවැනි ස්ථානයක් සදහා මේ භුමිය තුල ඉඩකඩක් වෙන්කර දීමට යාමෙන් විවිධ ස්ථානවල ආගමික නායකයන් හා දේශපාලන නායකයන්ගේ විරෝධය දක්වන තත්වයට ප්‍රශ්නය උඩුදුවා ඇත .
රටවිරුවන්ගේ අගය පිලිබදව හොදින්ම දන්නා හිමිනමක් වන සිංහලේ සංවිධානයේ මැඩිල්ලේ පඤ්ඤාලෝක හිමිපානන් වහන්සේ තමන් වැඩවාසය කරන අංක 99 එදිරිසිංහ පාර මිරිහාන නුගේගෝ සමාධි විහාරයේ ගොඩනැගිල්ලෙන් කොටසක් මේ විරුවන් වෙනුවෙන් ලබාදීමට කැමැත්ත පළකර ඇත. ඒ තුන් ලෝකාග්‍ර බුදුපියාණන් වහන්සේ විසින් දේශනා කල ධර්මය අනුව යමිනි ,
“යො මං උපට්ඨහෙය්‍ය සො ගිලානං උපට්ඨහෙය්‍ය …” (මහාවග්ගපාලිය – චීවරක්ඛන්ධකය) යනාදී ලෙසින් යමෙක් ගිලනුන්ට උපස්ථාන කෙරේද හේ මට උපස්ථාන කිරීම හා සමාන වන්නේ යයි වදා ඇති බුද්ධ වචනය සරණ යමිනි .
“මහණෙනි, නුඹලාට උපස්ථාන කරන මව්පියෝ නැත්තාහ. නුඹලා අන්‍යොන්‍ය ලෙස උපස්ථාන නොකරන්නේ නම් කවුරු උපස්ථාන කෙරෙත් ද! යමෙක් මට උපස්ථාන කරයි ද හේ ගිලනුන්ට උපස්ථාන කරයි. රෝගි භික්ෂුවට ආචාර්ය වරයෙක් උපාධ්‍යවරයෙක් වේ නම් ඔහු දිවිහිමියෙන් රෝගියාට උපස්ථාන කළ යුතුය. රෝගියාගේ සුවය බලාපොරොත්තු විය යුතුය. කිසිවෙකු රෝගියාට නැත්නම් සංඝයා විසින් උපස්ථාන කළ යුතුය” යනාදී ලෙසින් භික්ෂූන් වහන්සේට රෝගී උපස්ථානය ගැන කරුණු වදාළහ.
බලධාරින් හා නිලධාරීන් අහිංසක රටවිරුවන්ගේ ජිවිත අවධානමකට ලක් නොකර නිරෝධායන කටයුතු ඉක්මනින් ආරම්භ කරන ලෙසට උන්වහන්සේ වැඩි දුරටත් අවධාරණය කර සිටියාය .
ප්‍රදීප් සංජිව
සිංහලේ සංවිධානය
ජාතික සංවිධායක
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...