අතුරුදන්වීම් වැලැක්වීමේ පනත සම්මත කරමින් රණවිරුවන් පාවා දීමේ පාපයෙන් ආණ්ඩුවට කිසිදිනක ගැලවීමට නොහැකි බව ජාතික සංවිධාන එකමුතුව පවසයි.

අගමැතිවරයා 2017 සැප්තැම්බර් 21 වනදා පාර්ලිමේන්තුවේදී සම්මත කිරීමට උත්සහ කළ අතුරුදන්වීම් වැලැක්වීමේ පනත මහා සංඝරත්නයේ ඉල්ලීම මත කල් දැමීමට ජනාධිපතිවරයා විසින් නියෝග කළත් නැවත වටයකින් පෙබරවාරි 7 වන දින පනත හදිමසියේම විවාදයට ගෙන සම්මත කිරීමේදී ඊට විරුද්ධව ජනාධිපතිවරයා මැදිහත් නොවූ බවට ඔවුන් චෝදනා කර සිටියි..

ඒ අනුව ජාතික සංවිධාන ප‍්‍රශ්න කරන්නේ ජනාධිපතිතුමා මහා සංඝරත්නයට බොරු කීවාද? එසේ නැතහොත් එතුමා විදේශීය බලවේග වලට යටත් වූවාද? එසේත් නැතිනම් අගමැතිවරයා විසින් ජනාධිපතිතුමා පිට වරද පැටවෙන ලෙසට හොර රහසේ පනත සම්මසත කළාද?යනුවෙනි.