මෙම අවදානම් මොහොතේ පැන නැගී ඇති ආහාර ද්‍රව්‍ය සපයා ගැනීමේ දුෂ්කරතා ඇතුළු කඩුවෙල ජනතාවගේ සියලු දුෂ්කරතා හැකිතාක් අවම කිරීම වෙනුවෙන් පියවර රැසක් ගැනීමට කුඩා හා මධ්‍ය පරිමාණ ව්‍යාපාර හා ව්‍යවසාය සංවර්ධන සහ කර්මාන්ත හා සැපයුම් කළමනාකරණ අමාත්‍ය, කඩුවෙල ප්‍රාදේශීය සංවර්ධන කමිටුවේ හිටපු සභාපති විමල් වීරවංශ මහතා කටයුතු කර තිබේ.
කොළඹ දිස්ත්‍රික් ලේකම් ප්‍රදීප් යසරත්න, කඩුවෙල ප්‍රාදේශීය ලේකම් යෂිකා ආනන්දනී, කඩුවෙල නගරාධිපති බුද්ධික ජයවිලාල්, කඩුවෙල නාගරික කොමසාරිස් සංජීව බන්දුකීර්ති හා නවගමුව, අතුරුගිරිය, තලංගම පොලිස් ස්ථානාධිපතිවරුන්ගේ සහභාගීත්වයෙන් ඊයේ (21) සවස කඩුවෙල මහ නගර සභා ශාලාවේදී පැවැති විශේෂ රැස්වීමකදී මීට අදාළ තීරණ ගෙන තිබේ.
ඒ අනුව එළඹෙන සඳුදා සිට එනම් හෙට (23) සිට කඩුවෙල ප්‍රාදේශීය ලේකම් බල ප්‍රදේශයේ ජනතාවට 0763769035 හෝ 0710402905 යන දුරකථන අංක ඇමතීමෙන් සමුපකාර ප්‍රාදේශික අලෙවිසැල් මගින් තමන්ට අවශ්‍ය වියළි ආහාර ද්‍රව්‍ය සෞඛ්‍යාරක්ෂිතව නිවසටම ගෙන්වා ගත හැක. භාණ්ඩ භාර ගන්නා අවස්ථාවේදී මුදල් ගෙවීමේ පහසුකම ද ඒ සමඟ සලසා දී ඇත.
තවද මෙම තීරණ මගින් ප්‍රාදේශීය සෞඛ්‍ය බලධාරීන්ගේ පූර්ණ අධීක්ෂණය සහිතව, නිසි සෞඛ්‍යාරක්ෂිත ක්‍රමවේද යටතේ සැකසූ ජංගම අලෙවි රථ මගින් බේකරි ආශ්‍රිත ආහාර ද්‍රව්‍ය උදේ සහ සවස, එනම් දිනකට දෙවරක් තම නිවසේ සිටම මිලදී ගැනීමේ අවස්ථාව ද කඩුවෙල ප්‍රාදේශීය ලේකම් කොට්ඨාසයේ ජනතාවට හිමිවනු ඇත.
එසේම රට තුළ මතුව ඇති මෙම අවදානම් තත්වය හේතුවෙන් තම දෛනික ආදායම් මාර්ග අහිමිව ඇති කඩුවෙල ප්‍රාදේශීය ලේකම් කොට්ඨාසයේ සියලු පවුල් වෙත වියළි ආහාර මල්ලක් ලබාදීමට ද කටයුතු යොදා ඇත. දැනටමත් ඊට අදාළ ලැයිස්තු ග්‍රාම නිලධාරීවරුන් විසින් සකස් කරමින් පවතී.
ඉන්දු - ලංකා ගිවිසුම නීති විරෝධී ගිවිසුමක් බවත්, ඒකීය රට ෆෙඩරල් කිරීම හරහා බෙදීමට කිසිසේත්ම ඉඩදිය නොහැකි බවත් මහා විහාර වංශික ශ්‍ය...
අනුරාධපුර දිස්ත්‍රික් පාර්ලිමේන්තු මන්ත්‍රී ජනප්‍රිය රංගන ශිල්පී උද්දික ප්‍රේමරත්න මහතාගේ මෝටර් රථයට කිසියම් ...
රජිව් ගාන්ධි ඝාතනය සම්බන්ධයෙන් වරදකරුවන් වී දඬුවම් ලැබ සිට පසුව නිදහස ලැබූ ශ්‍රී ලාංකිකයන් 4 දෙනා නැවතත් ශ්‍රී ලංකාවට එවීමට...